9:816  iam  vivimus  ex  nobis,  sed  ex  fide  filii  Dei,  ac  per  eundem  spiritum  iam  coelestibus  assidemus:  in  mundo  agentes  a  mundo  peregrinamur.  Et  quocunque  sub  axe  versemur,  quocunque  loco  simus,  quocunque  modo  accipiamur,  perinde  illa  omnia  sunt  nobis.  In  afflictionibus  praesenti  animo  sumus,  in  moerore  exsultamus,  in  vituperio  exaltamur,  in  inopia  abundamus,  in  nuditate  contegimur,  in  malis  duramus,  in  morte  vivimus.  Haec  illa  est  nimirum  vera1  et  non  fucata  sa^  pientia,  quam  ex  hac  vita  assequamur,  et  cui  neque  angeli,  neque  homines,  neque  vita,  neque  mors  quidquam  addant  vel  detrahant.  Haec  est  statio  in  qua  nobis  consistendum  est.  Nimirum  illud  est  in  tota  scriptura  a  nobis  quaerendum,  ut  Christum  vere  agnoscamus,  et  quas  in  illo  praesentes  divitias  offerat  nobis  pater.  Neque  ullus  est  apex  in  scriptura  apud  Mosen  et  Prophetas,  qui  non  illuc  nos  deducat.  Etenim  quum  in  Christo  reconditi  sint  omnes  scientiae  et  intelligentiae  thesauri,  frustra  ab  illo  nos  abduci  sinamus  nisi  sponte  a  veritatis  luce  ad  mendacii  tenebras  transverti  cogitamus.  Quamobrem  apposite  apostolus  1.  Cor.  2,  2  non  aliam  scientiam  sibi  tribuit,  quam  quod  Christum  cognoscat,  atque  illum  crucifixum.  Quamvis  enim  caro  aliter  iudicet,  cui  ista  cognitio  vilis  et  vulgaris  sit,  est  tamen  illa  nobis  abunde  quam  perpetua  vita  meditemur.  Neque  vero  operae  nos  poenitebit  >  ubi  nostrum  omne  studium  ac  mentem  ad  illius  unius  notitiae  perceptionem  contulerimus.  Nam  quid  quisquam  nostrum  iure  requirat  ad  doctrinae  coelestis  cumulum,  quam  ut  Deum  ita  cognoscat,  ut  in  ipsum  transformemur:  sacratissimam  ipsius  imaginem  in  sese  iam  insculptam  habeat,  ut  iustitiae  ipsius  particeps  evadat?  nt  regni  haeres  fiat,  ac  tandem  cumulate  illud  possideat?  Atqui  illud  constat,  et  iam  olim  ipsum  Dominum  sese  ita  intuendum  praebuisse,  ac  nuno  demum  quam  appositissime  in  facie  Christi  sui.  Quare  ab  ipso  vel  tantillum  deflectere,  vel  quavis  modo  divertere  sit  nefas.  Quin  potius  in  eo  uno  consistat  nobis  animus,  ut  ex  scriptura  cognoscere  discamus  Christum  unum,  ut  per  ipsum  recta  deducamur  ad  patrem,  in  quo  demum  cumulata  exstat  omnis  perfectio.  Hi  sunt,  inquam,  verae  hominum  sapientiae  termini,  quam  unam  sapientiam  in  hac  vita  summo  studio  perquirendam  tantum  singuli  sibi  proponant:  et  cui  neque  angelus  neque  mortalis  quisquam,  neque  vivus  neque  vita  functus  apponere  vel  detrahere  audeat.  Hic  mens  nostra  conquiescat,  ut  de  suo  ne  tantillum  quidem  admisceat,  aut  ullam  ad-