46:815  815  HARMONIE  EVANGELIQUE.  816  mais  on  cognoist  que  toutes  leurs  inventions  sont  forgees  des  hommes  :  et  pourtant,  qu'il  les  faut  laisser  la  pour  tels  qu'ils  sont.  Toutesfois  quoy  qu'il  en  soit,  encore  retienent-ils  ce  nom  de  Prelats  et  d'Evesques.  Cependant  donc  ils  desgorgeront  leurs  excommunications  a  l'encontre  de  nous.  Et  bien?  Si  nous  n'estions  munis  de  ceste  doctrine,  que  seroit-ce?  nous  le  trouverions  estrange.  Est;  il  possible  (dirons-nous)  que  pour  la  verite  de  Dieu  et  le  tesmoignage  de  Iesus  Christ,  qui  est  le  salut  du  monde,  nous  soyons  ainsi  deschassez,  que  nous  soyons  tenus  comme  execrables,  et  qu'il  semble  que  la  terre  ne  nous  doyve  plus  soustenir?  Mais  nous  voyons  ce  qui  est  advenu  a  tous  les  Prophetes,  nous  voyons  ce  que  les  Apostres  ont  experimente,  et  ceux  qui  ont  suyvi  leur  train.  Or  nous  ne  sommes  point  privilegiez  par  dessus  eux,  marchons  donc  la  ou  Dieu  nous  appelle,  et  qu'il  nous  suffise  quand  nous  serons  absous  par  luy,  encore  que  tout  le  monde  nous  condamne,  et  crachons  hardiment  contre  toutes  les  excommunications  du  Pape,  et  de  sa  sequelle,  scachans  que  nous  sommes  d'autant  plus  approuvez  de  Dieu,  quand  nous  sommes  reiettez  de  telles  bestes:  et  qu'estans  separez  de  toutes  leurs  puantises,  nous  approchons  tant  plus  de  nostre  Seigneur  Iesus  Christ,  pour  estre  participans  de  sa  purete.  Et  mesmes  a  ce  propos  nous  voyons  ce  qui  est  advenu  a  celuy  auquel  nostre  Seigneur  Iesus  Christ  avoit  rendu  la  veue.  Car  quand  il  a  confesse  que  celuy  qui  l'avoit  gueri  ne  pouvoit  estre  meschant,  d'autant  que  Dieu  ne  l'auroit  point  exauce,  qu'il  faloit  donc  qu'il  fust  envoye  de  Dieu,  d'autant  qu'il  avoit  tesmoignage  d'estre  un  sainct  Prophete.  Quand  ce  povre  homme  (di-ie)  a  fait  une  telle  confession,  il  est  excommunie,  il  est  reiette,  il  semble  qu'il  ne  soit  pas  digne  de  marcher  sur  la  terre:  il  est  deschasse  de  ceste  eanaille,  qui  se  disoyent  neantmoins  Prestres  de  la  Loy,  et  Prelats  de  l'Eglise  :  et  voyla  Iesus  Christ  qui  le  rencontre.  Et  ainsi  ne  doutons  point  que  nous  ne  soyons  recueillis  du  Fils  de  Dieu,  toutesfois  et  quantes  que  nous  serons  reiettez  des  hommes,  et  des  supposts  du  diable,  qui  ne  demandent  que  de  mettre  une  telle  confusion  au  monde,  qu'on  ne  puisse  plus  discerner  entre  Dieu  et  les  idoles,  et  que  toute  vraye  religion  soit  abolie.  Voyla  en  somme  ce  que  nous  avons  a  retenir,  c'est  que  nos  vies  ne  nous  soyent  point  precieuses,  quand  il  sera  question  que  nous  soyons  affligez  pour  rendre  tesmoignage  a  la  verite,  en  laquelle  consiste  nostre  salut,  nostre  beatitude,  et  toute  nostre  gloire.  Et  puis,  quand  nous  serons  degradez  du  monde,  que  nostre  honneur  ne  nous  soit  point  en  telle  recommandation  que  nous  ne  portions  quant  et  quant  les  blasmes  qui  nous  seront  mis  sus,  voire  moyennant  que  nous  cheminions  tousiours  comme