46:814  a  Dieu.  Car  on  verra  beaucoup  de  gens,  et  sans  encores  que  le  nombre  en  soit  si  grand,  si  est-ce  qu'on  en  verra  qui  vivront  vertueusement,  et  ne  les  pourra-on  accuser  ni  d'avarice,  ni  de  rapines,  ni  de  paillardises,  ni  d'intemperance.  Voyla  donc  une  vie  qui  sera  approuvee:  mais  cependant  qui  est-ce  qui  les  tient  en  telle  bride?  C'est  qu'ils  veulent  estre  en  reputation  et  en  honneur.  Voyla  (di-ie)  ou  tendent  tous  les  braves  et  nobles  de  ce  monde,  c'est  d'avoir  quelque  integrite  en  apparence:  mais  il  n'y  a  que  fumee  en  tout  leur  cas,  d'autant  qu'ils  regardent  les  hommes.  Et  ainsi,  desia  ils  ont  receu  leur  salaire,  comme  nous  le  verrons  ci  apres.  Car  quand  nous  aurons  tasche  de  vivre  sans  reproche,  et  que  nous  n'aurons  donne  nulle  occasion  a  personne  de  mesdire  de  nous,  ne  d'en  detracter,  et  cependant  toutesfois  qu'il  sale  que  nous  soyons  degradez,  qu'on  nous  pieque,  qu'on  nous  morde,  et  qu'on  nous  escorche  (par  maniere  de  dire)  qu'on  accuse  l'un  d'estre  hypocrite,  l'autre  qu'il  ne  marche  pas  loyaument  en  besongne,  que  (brief)  nous  soyons  chargez  de  toutes  calomnies,  si  nonobstant  nous  continuons  tousiours  nostre  train,  alors  on  cognoistra  a  la  verite  que  nous  servons  a  Dieu.  Et  pourquoy?  Nous  despitons  toute  la  gloire  du  monde:  voyla  donc  un  bon  examen,  pour  descouvrir  qu'il  y  a  un  bon  vouloir  en  nous,  et  que  nous  sommes  enflammez  d'un  zele  du  service  de  Dieu,  quand  nous  pouvons  venir  la  teste  levee,  pour  protester  qu'il  n'y  a  point  eu  un  courage  double  en  nous,  et  que  les  vanitez  de  ce  monde  ne  nous  ont  point  transportez,  en  sorte  que  nous  n'ayons  tousiours  suyvi  le  chemin  qu'il  nous  a  monstre,  d'autant  qu'il  ie  commandoit  et  Tapprouvoit.  Or  d'autant  plus  nous  faut-il  bien  observer  ce  qui  nous  est  yci  remonstre,  c'est  ascavoir,  que  si  nous  sommes  blasmez  des  meschans,  nous  ne  laissions  pas  toutesfois  de  tousiours  suyvre  le  chemin  que  Dieu  nous  propose,  et  que  nous  persistions  constamment  insques  a  ce  que  Dieu  se  declare  estre  nostre  guarent,  et  qu'il  face  reluire  nostre  innocence,  comme  desia  nous  avons  allegue  la  promesse  qui  nous  en  est  donnee  au  Pseaume.  Or  touchant  l'excommunication  de  laquelle  il  est  yci  parle,  auiourd'huy  nous  voyons  ce  que  nostre  Seigneur  Iesus  Christ  declare.  Oar  le  Pape  avec  toute  sa  sequelle,  et  toute  ceste  canaille  et  vermine  de  Clerge,  nous  tiendront  comme  des  chiens:  et  on  voit  les  foudres  de  leurs  excommunications  qu'ils  iettent  a  l'encontre  de  nous:  et  bien,  il  est  vray  que  desia  ils  sont  tant  descouverts  que  toute  leur  authorite  est  quasi  perdue  en  plusieurs  endroits.  Et  de  faict,  il  n'y  a  auiourd'huy  un  seul  Papiste  au  monde,  qui  honore  ou  ces  bestes  cornues,  ou  toute  ceste  ordure  et  vermine  de  prestraille,  qu'on  appelle:  il  n'y  a  (di-ie)  nul  Papiste  qui  les  honore  par  bonne  devotion: