46:813  813  SERMON  LXV.  814  Iudee,  ll  dit  donc  que  toutes  ces  deux  nations,  c'est  a  dire  tous  ceux  qui  pour  lors  estoyent  reputez  la  saincte  Eglise  et  la  saincte  lignee  d'Abraham,  ont  eu  en  abomination  les  vrais  Prophetes  et  les  vrais  disciples  de  Dieu.  Quand  donc  Iesus  Christ  est  apparu,  selon  que  la  doctrine  celeste  a  este  alors  declaree  en  plus  grande  perfection,  il  a  falu  aussi  que  la  rage  du  diable  et  de  tous  les  meschans  se  soit  aiguisee,  qu'il  y  ait  eu  un  feu  allume,  et  qu'on  ait  exerce  une  rage  plus  que  furieuse  contre  les  enfans  de  Dieu  :  et  non  seulement  pour  les  tormenter  et  les  affliger  en  leurs  corps,  mais  pour  les  blasmer,  voire  et  sous  ombre  mesmes  de  l'ordre  et  de  la  police  que  Dieu  avoit  mise  en  son  Eglise.  Oar  l'excommunication  estoit  une  chose  sacree,  d'autant  que  Dieu  a  voulu  que  de  tout  temps  l'Eglise  fust  purgee  de  toutes  ordures,  et  que  ceux  qui  y  commettoyent  des  scandales  et  dissolutions  en  fussent  retranchez,  comme  c'est  bien  raison:  car  les  Payens  mesmes  ont  tousiours  eu  l'excommunication  pour  recommandee.  Ils  avoyent  honte  que  les  meschans  et  ceux  qui  estoyent  souillez  se  veinssent  mesler  parmi  leurs  sacrifices.  C'estoit  une  prophanation  qu'ils  ne  pouvoyent  souffrir.  Si  les  povres  aveugles  ont  observe  une  telle  police,  il  faloit  bien  qu'en  l'Eglise  de  Dieu  il  y  eust  un  tel  ordre.  Or  Iesus  Christ  declare  qu'il  faudra  que  ses  disciples  vienent  iusques  a  ce  combat-la,  et  qu'ils  soyent  reiettez  de  la  synagogue,  qu'on  les  tiene  comme  gens  reprouvez,  et  comme  infects  et  puants.  Nous  voyons  donc  maintenant  en  somme  ce  que  nous  avons  a  retenir  de  ce  passage,  c'est  suyvant  ce  que  nous  avons  allegue  de  sainct  Paul,  que  non  seulement  il  nous  faut  estre  patiens  quand  on  nous  affligera  en  nos  personnes,  que  nous  serons  outragez,  voire  iusques  a  la  vie:  que  non  seulement  il  nous  faut  estre  munis  de  constance  en  ce  cas-la,  mais  aussi  que  quand  nous  serons  blasmez,  qu'on  nous  deschirera  par  pieces,  qu'on  nous  chargera  de  faux  crimes,  il  faut  encores  que  nous  baissions  la  teste,  et  que  nous  attendions  d'un  courage  paisible  que  Dieu  face  reluire  nostre  integrite,  comme  l'aube  du  iour,  ainsi  qu'il  en  est  parle  en  l'autre  passage,  et  que  nous  ensuyvions  Ieremie,  lequel,  quand  il  appelle  Dieu  pour  son  garent,  et  qu'il  scait  qu'il  approuve  sa  cause,  ne  se  soucie  pas  beaucoup  de  tout  ce  que  les  hommes  luy  peuvent  mettre  sus.  Quand  donc  nous  serons  reiettez  yci  bas,  qu'il  nous  suffise  que  Dieu  nous  recognoisse  pour  ses  serviteurs,  et  que  nous  cheminions  tellement  devant  luy,  que  les  opprobres  du  monde  ne  soyent  point  pour  nous  desbaucher,  et  nous  faire  decliner  du  droit  chemin.  Or  ceste  doctrine  nous  est  auiourd'huy  bien  necessaire,  non  seulement  pource  que  la  prattique  en  est  bien  rare,  mais  aussi  pource  que  nous  ne  scaurions  autrement  discerner  que  c'est  de  servir