46:812  mort  mesme,  que  d'estre  en  opprobre  et  ignominie.  Voyons  les  Payens  qui  ont  eu  quelque  apparence  de  vertu,  il  est  certain  que  quiconque  a  este  magnanime  n'a  point  eu  la  mort  en  telle  horreur,  que  vergongne  et  infamie  devant  les  hommes.  Ainsi  donc,  il  faut  bien  que  nous  soyons  armez  d'une  constance  plus  qu'humaine,  de  humer  doucement  toutes  les  iniures  et  reproches,  et  les  blasmes  qui  nous  seront  faussement  imposez  par  les  meschans.  Or  si  faut-il  en  venir  la,  comme  S.  Paul  le  remonstre,  d'autant  que  nous  esperons  au  Dieu  vivant  (dit-ii)  il  faut  que  nous  soyons  tormentez,  voire  et  que  nous  souffrions  vergongne,  que  nous  soyons  quasi  monstrez  au  doigt,  et  qu'on  nous  crache  au  visage.  Puis  donc  que  Dieu  nous  veut  esprouver  iusques  la,  nous  avons  besoin  de  nous  y  apprester,  et  faire  bouclier  de  ceste  doctrine  qui  nous  est  yci  mise  en  avant  par  nostre  Seigneur  Iesus  Christ.  Et  au  reste,  il  nous  advertit  que  ces  blasmes-la  ne  viendront  pas  seulement  de  ceux  qui  despitent  a  pleine  bouche  l'Evangile,  et  qui  declarent  qu'ils  ne  veulent  rien  tenir  do  la  vraye  et  pure  religion  :  mais  que  ceux  qui  font  semblant  d'estre  de  l'Eglise,  et  qui  ont  beau  lustre,  ceux-la  mesmes  (di-ie)  seront  les  premiers  a  nous  degrader,  et  mettre  en  toute  infamie  devant  les  hommes.  Et  voyla  pourquoy  notamment  il  dit  que  ses  disciples  seront  reiettee,  qu'on  les  deschassera,  et  que  leur  nom  sera  comme  maudit.  Selon  aussi  que  nostre  Seigneur  Iesus  Christ  en  parle  en  sainct  Iean,  que  ceux  qui  Guideront  faire  grand  plaisir  et  sacrifice  a  Dieu,  tormenteront  les  fideles  et  Ministres  de  l'Evangile  :  et  cela  mesme  a  este  anciennement  sous  la  Loy,  comme  il  est  dit  en  Isaie  au  huitieme  chapitre  que  les  disciples  de  Dieu  non  seulement  ont  este  ennuyeux  au  monde,  et  a  ceux  qui  faisoyent  belle  protestation  d'estre  supposts  de  la  foy  Catholique,  comme  on  parle:  mais  qu'ils  ont  este  comme  hideux,  et  comme  des  monstres.  Car  Isaie  use  de  ce  propre  mot-la,  Voyla  (dit-il)  les  enfans  que  le  Seigneur  m'a  donnez:  il  taut  qu'ils  soyent  comme  pour  faire  peur  aux  gens,  et  pour  estre  comme  choses  effrayantes,  et  qui  sont  repugnantes  a  nature.  Nous  voyons  donc  comme  tant  Isaie  que  ceux  qui  ont  este  conioints  a  luy  pour  servir  purement  a  Dieu,  ont  este  reiettez.  Et  de  qui?  Ho,  il  ne  parle  point  des  Egyptiens,  et  de  leurs  semblables  qui  estoyent  idolatres  de  profession,  mais  aux  deux  maisons  d'Israel,  a  tous  ces  deux  royaumes  qui  estoyent  consacrez  au  nom  de  Dieu.  Car  combien  que  les  dix  Lignees  en  se  separant  de  la  maison  de  David  eussent  fait  une  revolte,  comme  pour  renoncer  a  Dieu,  toutesfois  si  est-ce  qu'encore  il  y  avoit  quelque  reserve,  ascavoir  que  Dieu  y  vouloit  estre  honore.  Et  de  faict,  l'onction  estoit  aucunement  en  ce  Royaume-la,  comme  en