9:811  811  PRAEFATIONES.  812  Bref  si  nous  avons  Iesus  Christ  avec  nous,  nous  ne  trouverons  chose  si  mauldicfce,  qui  ne  soit  beneicte  par  luy:  chose  si  execrable,  qui  ne  soit  sanctifiee  :  chose  si  mauvaise,  qui  ne  nous  tourne  en  bien.  Ne  nous  desconfortons  quand  nous  verrons  toutes  les  puissances  et  forces  mondaines  au  contraire.  Car  la  promesse  ne  nous  peult  faillir,  que  le  Seigneur  d'enhault  se  mocquera  de  toutes  les  assemblees  et  effortz  des  hommes,  qui  vouldront  coniurer  contre  luy.  Ne  soyons  desolez  (comme  si  toute  esperance  estoit  perdue)  quand  nous  verrons  mourir  et  perir  devant  noz  yeulx  les  vrays  serviteurs  de  Dieu.  Car  ii  a  este  veritablement  dict  par  Tertullian,  et  a  touiours  ainsi  este  esprouve  et  sera  iusque  a  la  consommation  du  siecle,  que  le  sang  des  martyrs  est  la  semence  de  L'eglise.  Et  encore  avons  nous  une  meilleure  et  plus  ferme  consolation:  c'est  de  destourner  nos  yeulx  de  tout  ce  monde,  et  delaisser  tout  ce  que  povons  veoir  devant  nous,  en  attendant  en  patience  le  grand  iugement  de  Dieu:  par  lequel  en  un  g  moment  sera  abastu,  aneanty,  et  renverse  tout  ce  que  les  hommes  auront  iamais  machine  contre  luy.  Ce  sera  quand  le  regne  de  Dieu,  que  nous  voyons  maintenant  en  esperance,  sera  manifeste.  Et  que  Iesus  Christ  apparoistra  en  sa  maieste  avec  les  anges.  Alors  fauldra  que  bons  et  mauvais  soient  presentz  devant  le  siege  iudicial  de  ce  grand  Roy.  Ceulx  qui  seront  demourez  fermes  en  ce  Testament,  et  auront  suyvi  et  garde  la  volunte  de  ce  bon  pere,  ilz  seront  a  la  dextre  come  vrays  enfans,  et  recevront  benediction,  la  fin  de  leur  foy:  qui  sera  le  salut  eternel.  Et  d'autant  qu'ilz  n'auront  point  eu  honte  de  advouer  et  confesser  Iesus  Christ,  du  temps  qu'il  estoit  mesprise  et  contemne  devant  les  hommes  :  Aussi  ilz  seront  participans  de  sa  gloire,  couronnez  avec  luy  eternellement.  Mais  les  pervers,  rebelles  et  reprouvez  qui  auront  contemne  et  reiecte  ce  sainct  Evangile,  et  pareillement  ceulx  qui  pour  entretenir  leurs  honneurs,  richesses  et  haultz  estatz,  ne  se  seront  voulu  humilier  et  abaisser  avec  Iesus  Christ:  et  pour  la  crainte  des  hommes  auront  delaisse  la  crainte  de  Dieu,  comme  bastardz  et  desobeissans  a  ce  pere,  seront  a  la  senestre.  Seront  iectez  en  malediction,  et  pour  salaire  de  leur  infidelite  recevront  la  mort  eternelle.  Or  puys  que  vous  avez  entendu  que  L'evangile  vous  presente  Iesus  Christ  auquel  toutes  les  promesses  et  graces  de  Dieu  sont  accomplies,  et  vous  declaire  qu'il  a  este  envoye  du  pere,  est  descendu  en  terre,  a  converse  avec  les  hommes,  a  parfaict  tout  ce  qui  estoit  de  nostre  salut,  comme  il  avoit  este  predict  en  la  loy  et  aux  prophetes:  II  vous  doibt  estre  trescertain  et  manifeste  qiic  les