46:811  811  HARMONIE  EVANGELIQUE.  812  aurez  faim.  Malheur  sur  vous  qui  rie#  maintenant:  car  vous  lamenterez  et  pleurerez.  26.  Malheur  sur  vous  quand  tous  les  hommes  diront  bien  de  vous:  car  leurs  peres  ont  fait  de  mesme  aux  faux-prophetes.  Nous  veismes  Dimanche  passe  qu'il  est  bien  difficile  que  l'homme  fidele  vive  yci  paisiblement  quand  il  se  voudra  acquitter  de  son  devoir  et  envers  Dieu  et  envers  ses  prochains.  Car  la  malice  des  hommes  est  si  grande,  qu'il  faut  entrer  souvent  en  combat  pour  maintenir  les  bons  et  innocens  qu'on  afflige:  et  pour  prendre  en  main  les  bonnes  causes  et  iustes.  Car  Dieu  requiert  cela  de  nous:  et  ce  n'est  point  assez  que  chacun  s'abstiene  de  malefice  et  d'outrage,  mais  ii  faut  que  nous  procurions  le  bien,  entant  qu'en  nous  est.  Or  (comme  i'ay  dit)  de  toutes  parts  nous  sommes  environnez  de  beaucoup  de  malins,  et  le  diable  non  sans  caifse  est  appele  prince  du  monde.  Non  seulement  donc  il  nous  sera  difficile  de  servir  a,  Dieu,  et  d'estre  en  paix  et  en  repos:  mais  il  nous  faut  faire  nostre  comte,  que  quand  nous  maintiendrons  le  bien,  nous  aurons  beaucoup  d'assaux  et  d'alarmes,  et  que  les  meschans  nous  seront  ennemis.  Et  sur  tout,  cela  se  prattique  en  la  doctrine:  car  la  verite  de  Dieu  est  haye  des  hommes,  iusques  a  ce  qu'ils  soyent  pleinement  changez,  d'autant  que  celuy  qui  fait  mal,  ne  demande  point  la  clarte,  mais  la  hait,  comme  dit  nostre  Seigneur  Iesus  Christ.  Or  est-il  ainsi  que  tous  hommes  sont  malins,  et  s'ils  ne  le  monstrent,  tant  y  a  que  l'ordure  est  cachee  la  dedans.  Car  ils  veulent  demeurer  en  leur  hypocrisie,  et  Dieu  par  sa  parole  descouvre  le  tout,  il  sonde  les  pensees  secretes,  et  les  affections  les  plus  cachees.  Voyla  donc  pourquoy  la  verite  de  Dieu  ne  sera  point  receue  des  hommes,  et  qu'ils  la  reietteront,  et  y  resisteront  tant  qu'il  leur  sera  possible.  En  somme,  nous  sommes  admonestez  de  reduire  souvent  en  memoire  ce  qui  est  yci  remonstre  par  nostre  Seigneur  Iesus  Christ:  c'est  a  scavoir  que  quand  nous  serons  iniustement  affligez,  moyennant  que  nos  consciences  nous  respondent  devant  Dieu  que  ce  n'est  point  par  nostre  faute,  il  ne  faut  point  pour  cela  perdre  courage,  comme  si  nostre  condition  estoit  pire  que  celle  des  incredules.  Et  pourquoy?  D'autant  que  nous  avons  a  chercher  nostre  felicite  la  haut.  Yci  apprestons-nous  a  combatre,  et  quand  on  nous  parlera  de  nostre  repos,  de  nostre  victoire,  et  de  nostre  gloire  qui  sera  coniointe,  eslevons  nos  yeux  et  nos  sens  par  dessus  le  monde.  Au  reste,  nous  sommes  non  seulement  admonestez  de  souffrir  patiemment  les  iniures  et  molestes  qu'on  fera  en  a  nos  personnes,  mais  aussi  les  reproches,  les  diffames,  et  les  fausses  calomnies.  Or  ceci  est  encore  le  plus  dur,  d'autant  qu'un  homme  d'un  franc  courage  porteroit  plus  aiseement  et  batteures,  et  la