9:810  certitudo  promissionum  Dei,  quae  uno  evangelio  constant.  Evangelii  auditus  et  intelligentia  conferunt  fidem  vivam,  spem  fixam,  sinceram  erga  Deum  dilectionem,  ferventem  erga  proximum  caritatem.  Quaenam  igitur  spes  ulla  vestra  est,  si  evangelium  contemnitur  a  vobis,  si  dedignamini  audire,  inspicere,  legere,  atque  animo  recondere?  En  qui  huius  saeculi  vanitatem  consectantur,  ut  ea  summo  studio  atque  indefesso  captant,  quae  ad  suam  illam  felicitatem  pertinere  existimant!  Ad  illud,  inquam,  tam  insano  studio  abripiuntur,  ut  neque  se  respiciant,  neque  laboris  ullius,  aut  periculi,  aut  nominis  sui  etiam  rationem  habeant:  adeo  pudendum  istud  servitium  eos  delectat,  ut  ad  corpus  unum  omnia  referant,  cuius  tam  vana  est  vita,  tam  misera,  tam  instabilis.  Nos  vero  ubi  de  immortali,  incorrupta,  aeterna,  incomparabili  beatitudine,  de  thesauris  coeli  adipiscendis  agitur  nobiscum  tanta  liberalitate,  tanta  fide,  tanto  nostro  compendio,  non  enitemur  per  obiecta  quaevis  impedimenta,  ut  potiora  illa  consecteinur?  Qui  operantur  mechanicis,  rebus  nempe  vilioribus,  summo  labore  artem  addiscunt,  ut  periti  evadant:  qui  artes  liberaliores  sectantur,  tantum  non  se  ipsos  conficiunt  ut  aliquid  eo  in  studio  promoveant,  ex  quo  sapientiae  ac  virtutis  nomen  acquirant:  quae  tamen  ipsa  aliud  non  sunt,  quam.  fumus  apparens,  et  evanidus  vapor.  Nos  vero  quantum  interiori  studio  rapi  decebat  ad  coelestem  illam  sapientiam,  quae  videlicet  supra  mundum  ipsum  fertur,  quae  ad  regni  Dei  mysteria  pertingit,  quae  eadem  evangelio  nobis  ita  dignante  Domino  revelatur!  Ecquid  igitur  erit  quod  a  sancto  evangelio  nos  abducat,  et  ab  illo  alienet?  Contumeliae  nempe,  maledictiones,  probra,  imminutiones,  dignitatum  praesentium  mulctationes?  Atqui  hic  ipse  Dominus  Iesus  praeit  nobis,  cuius  vestigia  carpere  nos  decet,  si  veri  ipsius  discipuli  esse  et  haberi  volumus:  neque  porro  ulla  eiusmodi  molestiarum  impressio  repudianda  est,  quae  nempe  cum  incomparabilis  beatitudinis,  gloriae,  exaltationis  fide  apud  Dominum  commutanda  sit.  An  igitur  exsilia,  proscriptiones,  ainissiones  facultatum  nos  diinovcbunt?  Atqui  illud  non  minus  constat,  etiamsi  ex  certa  regione  adeoque  natali  ipso  solo,  migrare  videbimur,  Domini  esse  terram  et  orbem:  imo,  et  terra  etiam  pulsos,  et  omni  hospitio  prohibitos,  extra  Dei  regnum  nihilo  magis  futuros.  Si  exuimur  et  ad  egestatem  redigimur,  pater  ille  non  deest,  cui  ad  nos  alendos  nihil  deest.  Christus  se  ipsum  pauperem  reddidit,  ut  et  ipsum  per  vestigia  paupertatis  subsequerenmr.  Instabunt  afflictiones,  carceres,  equulei,  et  omne  illud  carnificinae  erga  Dei  servos  instrumentum.  Atqui  ipsius  Christi  exemplo  iter  illac  ad  gloriam  nobis  commonstrari  certo  scimus.  Tandem  nempe  una  mors  perterrefaciet.  Atqui  ne  illa  quidem  eri-