8:810  primee  dans  les  lettres  editees  par  Be$e  p.  119,  ed.  de  Lausanne  p.  264,  ed.  de  Hanau  p.  296,  ed.  de  Chouet  p.  163,  ed.  d'Amsterdam  p.  74.)  Clarissimis  et  amplissimis  Syndicis  et  Senatui  Reipublicae  Genevensis  Dominis  nostris  colendissimis.  S.  D.  Amplissimi  Domini.  Quamvis  de  pia  sedulitate  diligentiaque  singulari  carissimi  nostri  fratris  Ioannis  Calvini  caeterorumque  ipsius  collaboratorum  nihil  dubitemus,  quin  pro  exquisita  et  diligenti  cura  et  vigilantia  quam  hucusque  praestiterunt  in  ecclesia  Christi  satisfecisse  nobis  videri  potuissent.  Praeterea  Tigurinae  ecclesiae  Antistites,  fratres  nostri  in  Domino  observandi,  pro  exacto  iudicio  quo  prae  caeteris  ecclesiae  Christi  ministris  dotati  sunt,  suam,  quam  et  nos  videre  voluerunt,  sententiam  quam  diligentissime  ad  vos  scripserunt,  potuissemus  hisce  contenti  silere:  tamen  quia  amplitudini  vestrae  visum  est  etiam  nostram  hac  in  re  audire  sententiam,  quantum  brevitas  temporis  admisit  contulimus  concertationes  Serveti,  quas  cum  vestrao  ecclesiae  ministris  habuit.  Libros  item  ipsius  blasphemiis  in  sanctissimam  trinitatem,  universam  item  Christi  ecclesiam  refertos^  quibus  haereses  multis  iam  annis*  sopitas,  unaque  cum  haereticis  oppressas  renovare,  magnoque  cum  simplicium  scandalo  evomere,  obtruderequo  ecclesiae  Christi  conatur,  percurrimus.  Neque  aliter  pro  dono  nobis  a  Deo  collato  iudicare  possumus  quam  diversas  a  sana  doctrina,  neque  tolerandos,  ut  vel  proponantur,  vel  legantur  in  coetu  piorum.  Neque  dubitamus  quin  vos  pro  insigni  prudentia  vestra  ipsius  conatus  repressuri  sitis,  ne  blasphemiae  ipsius  tanquam  cancer  latius  depascantur  Christi  membra.  Nam  longis  rationibus  evertere  ipsius  deliramenta,  quid  aliud  esset  quam  cum  insaniente  insanire?  Subscribimus  igitur  universi  iudicio  Tigurinae  ecclesiae  ministrorum,  fratrum  nostrorum  in  Christo  carissimorum,  commendantes  interim  vestram  amplitudinem  una  cum  ecclesia  vestra  gratiae  divinae.  Datae  ScafFhusii  6  Octobris  Anno  1553.  Vestrae  amplitudini  dediti  Simperthus  Vogthius  Sebastianus  Grubel  Iacobus  Ruger  ministri  ecclesiae  Scafflmsianae.