8:81  81  DE  SCANDALIS.  82  Aggaei  querimoniae.  Illic  quasi  in  tabula  depictam  cernere  est  saeculi  nostri  ignaviam.  An  quia  tunc  quisque  domui  suae  intentus  Dei  templum  non  curabat,  ideo  non  sacrosanctum  Dei  opus  erat,  templi  instauratio?  An  fatiscere  propterea  quisquam  debuit,  quum  alios  videret  non  modo  in  officio  necessario  cessare,  sed  Deum  quoque  scelerate  fraudare  primitiis  ac  decimis?  Sed  hoc  est  scilicet,  quod  statim  ab  exordio  praefatus  sum,  multos  profanis  mundi  amicitiis  irretitos,  quidvis  ofFensionum  contra  Christum  appetere  potius,  quam  ut  impios  et  sanae  doctrinae  inimicos  offendant.  Haec  illis  prava  ambitio,  et  ad  fabricanda  scandala  ingenium,  et  ad  lacerandum  canina  maledicentia  evangelium,  facundiam  suppeditat.  Adde  quod  praesentium  vitiorum  morsu  non  contenti,  in  futurum  tempus  inquirunt,  quod  eadem  malignitate  arrodant.  Fingunt  enim  se  propinquam  ecclesiae  vastitatem  animis  prospicere,  quae  ex  intestinis  dissidiis  impendet.  Hac  nos  providi  homines  non  magis  affici  mirantur:  atque  ut  in  odium  nos  trahant,  susque  deque  nobis  esse  colligunt,  si  terra  incendio  misceatur.  Sic  olim  Aquilanum  episcopum  in  privato  colloquio  mecum  disserere  memini,  quam  horrenda  [pag.  1061  clades  timenda  foret,  nisi  discordiis  finem  brevi  statueremus.  Huc  autem  tota  tendebat  oratio,  fieri  aliter  non  posse,  si  essemus  propositi  nostri  adeo  tenaces,  quin  tandem  ad  arma  res  veniret.  Belli  porro  non  alium  fore  exitum,  quam  ut  bonis  literis  exstinctis,  et  barbara  confusione  inducta,  humanitas  prope  ipsa  e  mundo  tolleretur.  Horum  malorum  sicuti  culpa  in  nobis  haereret,  ita  subeundam  invidiam  esse.  Quin  etiam  haec  ipsa  religio,  dicebat,  pro  qua  tam  acriter  pugnatis,  simul  cum  literis  intereat  necesse  est.  1)  Quod  tunc  uni  respondi,  omnes  sibi  dictum  accipiant.  Nos  certe,  neque  tam  sumus  socordes,  quin  nobis  in  mentem  veniant  quaecunque  machinatur  Satan:  neque  tam  feri  et  inhumani,  ut  secure  negligamus.  Paci  et  otio  non  modo  cupimus  consultum,  sed  quantum  in  nobis  est  consulimus.  Ordinis  et  politiae  non  minus  sumus  studiosi  quam  qui  maxime.  Literarum  quanta  nos  cura  sollicitet,  verbis  praedicare  nihil  opus  est.  Sed  quum  nulla  exceptione  opposita  evangelium  praedicari  Christus  iusserit:  quicunque  sequatur  eventus,  huic  mandato  parendum  est.  Quanquam  nimium  sibi  arrogant2)  homines,  si  meliorem  ex  propriis  consiliis,  quam  ex  ratione  sibi  a  Deo  praescripta  successum  sperant.  Quid  enim?  An  Deum  caecum  et  incautum  esse  fingunt,  qui  ecclesiam  suam  inconsiderate  periculis  exponat?  Imo  quum  optimus  sit  rerum  omnium  1)  Add.  C'est  l'artifice  commun  qu'ont  telles  gens  pour  amollir  ceux  qui  desirent  de  servir  rondement  a  Dieu.  2)  passent  la  marque.  Calvini  opera.  Vol  VUL