7:81  81  CONTRE  LES  ANABAPTISTES.  82  commandement  expres,  eust  volentiers  recule  s'il  eust  peu.  Mais  il  faut,  que  pour  obeir  a  Dieu,  il  recoyve  ceste  charge.  Quant  a  David,  son  regne  est  non  seulement  approuve  de  Dieu,  mais  loue  et  orne  de  tiltres  fort  honorables.  Le  semblable  se  doit  estimer  de  ses  successeurs  :  veu  qu'il  y  a  une  mesme  raison.  Il  ne  reste  donc  autre  subterfuge  a  ces  ennemis  de  tout  ordre,  sinon  de  dire  que  nostre  Seigneur  requiert  une  perfection  plus  grande  en  l'Eglise  Chrestienne,  qu'il  n'a  pas  faict  au  peuple  Iudaique.  Or  cela  est  bien  vray,  quant  aux  ceremonies,  [page  66]  Mais  que  nous  ayons  autre  reigle  de  vivre,  quant  a  la  loy  morale,  qu'on  appelle,  que  n'a  eu  le  peuple  ancien,  c'est  une  faulse  opinion.  Ceux  qui  l'ont  pense  ont  prins  occasion  du  cinquiesme  de  sainct  Matthieu:  ou  il  semble  bien  advis  1)  de  prime  face,  que  nostre  Seigneur  lesus  adiouste  quelque  chose  a  ce  qu'il  avoit  desia  commande  au  peuple.  Mais  quand  on  regardera2)  ce  que  la  Loy  de  Moyse  contient,  et  qu'on  rapportera  l'un  a  l'autre,  pour  en  faire  comparaison,  on  congnoistra  que  l'intention  de  nostre  Seigneur  Iesus  n'a  pas  este  de  faire  addition  aucune:  mais  seulement  de  remettre  la  vraye  intelligence  de  la  loy  en  son  entier,  laquelle  avoit  este  depravee  par  les  faulses  gloses  des  Rabins.  Tenons  donc  ceste  resolution,  que  quant  a  la  vraye  iustice  spirituelle,  e'est  a  dire,  que  l'homme  fidele  chemine  en  bonne  conscience  et  soit  entier  devant  Dieu,  tant  en  sa  vocation  qu'en  toutes  ses  oeuvres,  il  y  en  a  eu  une  declaration  pleine  et  entiere  en  la  loy  de  Moyse:  a  laquelle  il  nous  convient  simplement  tenir,  si  nous  voulons  suyvre  le  droict  chemin.  Quiconque  donc  y  adiouste  ou  diminue  sort  des  limites.  Ainsi  cest  argument  sera  seur  et  infallible.  Nous  servons  a  un  mesme  Dieu  que  les  peres  anciens.  Nous  avons  une  [page  67]  mesme  loy  et  reigle  qu'ilz  ont  eu,  pour  nous  monstrer  comment  il  nous  faut  gouverner,  pour  cheminer  droitement  devant  Dieu.  Il  s'ensuit  donc,  qu'une  vocation,  laquelle  a  este  lors  saincte  et  legitime,  nes  peut  estre  reprouvee  entre  les  Chrestiens.  D'autant  que  la  vocation  est  la  principalle  partie  de  la  vie  humaine  et  qui  emporte  plus  devant  Dieu.  De  la  il  s'ensuit  que  nous  ne  devons  exclurre  d'entre  nous  l'estat  de  iustice  civile,  ny  le  chasser  hors  de  l'Eglise  Chrestienne:  puis  qu'ainsi  est  que  nostre  Seigneur  l'a  ordonne  et  approuve  comme  bon  au  peuple  d'Israel;  et  y  a  constitue  ses  plus  excellens  serviteurs,  et  mesme  ses  Prophetes.  Ilz  repliqueront  possible,  que  tout  ce  gouvernement  civil  du  peuple  d'Israel  estoit  une  figure  1)  advis,  manque  1611.  2)  bene  diligenterque.  Calvini  opera.  Vol,  VIL