58:81  81  DE  IACOB  ET  ESAU.  82  par  son  Prophete,  Ie  vous  appelle  alors  a  pleurer  et  k  gemir:  et  si  nous  laschons  la  bride  a  nos  appetis,  c'est  comme  lui  faire  la  guerre  et  le  despiter.  Voila  donc  comme  le  iusne  servira  pour  nous  humilier  devant  Dieu,  et  estre  la  comme  povres  mal-faicteurs,  cognoissans  que  nous  l'avons  offense.  Au  reste,  le  iusne  dont  il  est  ici  fait  mention,  c'est  que  l'homme  s'abstiene  mesme  du  boire  et  du  manger,  si  cela  l'empesche  de  servir  a  Dieu,  et  qu'il  quitte  sa  propre  vie,  plustost  que  de  se  destourner  de  la  volonte  de  Dieu.  Car  (comme  nous  avons  desia  dit)  Iacob  estoit  passible  aussi  bien  que  son  frere  Esau:  ii  est  vray  qu'il  n'avoit  point  tracasso  et  couru  tout  au  long  du  iour  par  les  bois  et  par  les  champs:  il  estoit  a  croupir  en  la  maison,  comme  de  coustume:  mais  si  est-ce  qu'il  avoit  appreste  son  repas:  il  a  faim,  il  a  appetit,  or  quoy  qu'il  en  soit,  il  aime  mieux  s'abstenir,  et  se  captiver,  et  renoncer  a  son  repas,  et  comme  a  sa  propre  vie,  que  de  perdre  ceste  occasion  qu'il  avoit,  que  sa  primogeniture  lui  fust  confermee.  Ainsi  donc  nous  avons  sur  tout  a  faire  ici  comparaison  de  Iacob  avec  Esau,  pour  faire  aussi  nostre  profit  de  l'exhortation  que  nous  avons  alleguee:  c'est  assavoir,  que  nous  ne  soyons  point  profanes.  Or  aucontraire,  il  est  dit  d'Esau,  QuHl  a  manges  il  a  beu,  il  s'est  leve,  et  s1  en  est  alle.  Ce  langage-ci  est  simple  de  prime  face,  mais  il  emporte  beaucoup  :  car  ce  n'est  point  assez  d'avoir  dit  qu'Esau,  sans  penser  plus  outre,  a  vuide  son  escuelle,  et  qu'il  s'en  est  alle:  mais  Moise  dit  qu'il  a  mange,  qu'il  a  beu,  qu'il  a  prins  sa  refection  tout  a  son  aise,  et  qu'il  s'est  tresbien  soule,  comme  si  sa  primogeniture  ne  lui  estoit  rien.  Et  c'est  aussi  la  conclusion  qu'il  met,  Qu'il  a  vilipende  sa  primogeniture.  Mais  avant  que  venir  la,  il  dit  qu'il  a  mange,  qu'il  a  beu,  qu'il  s'est  leve,  et  s'en  est  alle  :  en  quoy  il  monstre  qu'Esau  ne  s'est  estonne  de  rien,  qu'il  a  este  comme  un  chien,  et  qu'il  n'a  fait  que  secourre  l'aureille  apres  avoir  beu  et  mange.  Il  s'en  est  alle  donc,  et  n'a  point  plaide  contre  son  frere:  comme  ceux  qui  se  repentent,  et  qui  se  ravisent  apres  avoir  fait  un  acte  inconsidere:  ils  regarderont,  Helas,  qu'ay-ie  fait?  Que  suis-ie  devenu?  Comment  me  suis-ie  esgare?  Esau  n'a  rien  eu  de  tout  cela:  mais  il  a  laisse  son  frere,  apres  estre  bien  saoul:  il  s'est  leve,  et  ne  s'est  soucie  de  rien.  Or  donc  nous  avons  ici  a  contempler  comme  le  diable,  quand  il  a  pris  possession  d'un  homme,  le  rend  si  stupide,  qu'il  n'a  plus  nulle  doleance  en  soy,  il  n'a  nul  remors  ne  scrupule:  combien  qu'il  se  voye  estre  comme  Calvini  opeva.  Vol.  LVIIL