56:81  81  Chapitre  I.  1.  S'ensuivent  les  noms  des  enfans  d'Israel,  qui  entrerent  en  Egypte  avec  Iacob,  chacun  avec  sa  famille,  2.  Ruben,  Simeon,  Levi  et  Iuda,  3.  Issachar,  Zabulon  et  Beniamin,  4.  Dan,  Nephthali,  Gad  et  Aser.  5.  Toutes  les  personnes  issues  des  reins1)  de  Iacob,  estoyent  septante,  et  Ioseph  estoit  en  Egypte.  6.  Or  Ioseph  mourut,  et  tous  ses  freres,  et  tout  cest  aage-la.  7.  Et  les  enfans  dIsrael  fructifierent,  accrurent  et  se  multiplierent,  et  se  renforcerent  bien  fort,  tellement  que  la  terre  fut  rempli  d'eux.  8.  Depuis  il  se  leva  un  nouveau  roy  sur  Egypte,  lequel  n'avoit  point  cognu  Ioseph.  9.  Et  dit  a  son  peuple,  Voyci,  le  peuple  des  enfans  dIsrael  plus  grand  et  plus  puissant  que  nous.  10.  Sus  donques,  portons-nous  sagement  contre  luy,  afin  que  par  aventure  ii  ne  se  multiplie,  et  s'il  advenoit  guerre,  qu'il  ne  s'adioigne  aussi  a  nos  ennemis,  et  guerroye  contre  nous,  et  s'en  remonte  du  pays.  ll.  Ils  ordonnerent  donques  par  dessus  des  maistres  de  tributs  pour  l'affliger  en  leurs  charges,  et  edifierent  villes  de  munitions  a  Pharao  Pithon  en  Rameses.  12.  Or  d'autant  plus  qu'il  l'affligeoit,  d'autant  plus  il  croissoit  et  s'augmentoit,  parquoy  ils  estoyent  angoissez  a  cause  des  enfans  d'Israel.  13.  Et  ainsi  ils  foulerent  les  enfans  d'Israel  avec  rigueur.  14.  Tellement  que  leur  vie  leur  fut  amere,  pour  la  dure  servitude,  en  mortier,  en  bricques,  et  en  tout  ouvrage  des  champs:  car  toute  la  servitude  de  laquelle  ils  servoyent,  estoit  rigoureuse.  15.2)  Pharao  roy  d'Egypte  dit  aussi  aux  sages  femmes  des  Hebrieux,  desquelles  le  nom  de  l'une  estoit  Sephora,  et  le  nom  de  l'autre  Phua,  16.  Et  dit,  Quand  vous  recevrez  les  enfans  Hebrieues,  et  les  verrez  sur  les  selles,  si  c'est  un  fils  mettez-le  a  mort,  mais  si  c'est  une  fille,  qu'elle  vive.  17.  Et  les  sages  femmes  craignirent  Deu,  et  ne  firent  pas  ainsi  que  Pharao  leur  avoit  dit,  mais  laisserent  vivre  les  fils.  18.  Adonc  Pharao  appela  les  sages  femmes,  et  leur  dit,  A  quelle  occasion  avez  vous  fait  ceste  chose,  en  laissant  vivre  les  fils?  *)  59.  .  de  la  hanche  O.  etc.  2)  Davantage  54  suiv.  Calvini  opera.  Vol.  LVI.