54:81  81  SUR  LA  SECONDE  A  TIMOTHEE.  d'icelle,  qu'il  ne  faut  que  l'ombre  de  quelque  belistre  lequel  incontinent  nous  servira  d'un  idole  pour  le  dresser  a  rencontre  de  Dieu:  Ho,  voila  un  tel.  Et  qui  est  ce  tel?  Et  qui  sont-ils  tous  ceux  dont  on  parlera?  Or  quoy  qu'il  en  soit,  retenons  bien  ce  qui  nous  est  ici  monstre  par  sainct  Paul:  c'est  que  s'il  y  en  a  de  credit  et  de  reputation  qui  se  desbauchent,  et  nous  donnent  mauvais  exemple,  que  pour  cela  ne  plus  ne  moins:  mais  qu'il  nous  faut  poursuyvre  nostre  bon  chemin,  auquel  Dieu  nous  a  introduits.  Car  ce  n'est  point  sans  cause  qu'il  nomme  ici  ces  deux,  Phygele  et  Hermogene.  Cependant  aussi  sainct  Paul  nous  monstre  que  nous  ne  devons  point  espargner  les  hommes,  qu'ils  ne  soyent  degradez  quand  nous  voyons  qu'ils  taschent  de  nuire  a  l'Evangile,  de  mettre  quelque  dissipation  ou  quelque  trouble.  On  dira  qu'il  ne  faut  point  blasmer  personne:  il  est  vray.  Mais  on  verra  des  pestes  qui  veulent  empoisonner  l'Eglise  de  Dieu,  on  verra  des  loups  ravissans  qui  ne  demandent  qu'a  mettre  dissension  au  troupeau,  on  verra  des  brigans  et  des  larrons  qui  voudront  desrober  a  Iesus  Christ  ce  qui  luy  appartient,  on  verra  des  sacrileges  qui  ne  demandent  qu'a  corrompre  la  doctrine  de  salut:  et  cependant  on  les  supportera  pour  couvrir  leur  turpitudo:  et  ou  est-ce  aller?  Voila  une  terrible  honnestete,  quand  nous  souffrirons  que  les  povres  ames  qui  onc  este  si  cherement  acquises,  s'en  aillent  en  perdition:  que  nous  souffrions  que  le  nom  de  Dieu  soit  blaspheme,  que  tout  ordre  soit  aneanti,  et  que  cependant  on  se  taise,  et  qu'on  endure  que  ceux  qui  taschent  d'abysmer  tout,  ��t  d'arracher  Dieu  de  son  siege,  s'il  leur  estoit  possible,  que  ceux-la  facent  tout  ce  qu'ils  voudront,  et  que  cependant  on  n'en  sonne  mot:  ne  seronsnous  pas  traistres  et  desloyaux  a  Dieu  et  aux  hommes.  Apprenons  donc  a  l'exemple  de  sainct  Paul,  de  marquer  telles  gens  au  doigt:  et  quand  nous  cognoistrons  des  meschans  qui  ne  demandent  qu'a  gaster  tout,  et  sur  tout  quand  ils  s'attachent  a  la  doctrine,  et  qu'ils  ne  demandent  sinon  de  renverser  l'edifice  qui  a  este  fait  au  nom  de  Dieu,  que  ceux-la  soyent  diffamez,  que  chacun  les  ait  en  detestation,  qu'ils  soyent  cognus  afin  qu'on  les  fuye  de  loin,  et  mesmes  quand  on  en  orra  parler,  qu'on  bouche  les  aureilles,  pour  dire,  Que  nous  n'ayons  rien  de  commun  avec  ces  diables-ci:  quand  ils  se  sont  declarez  ennemis  ouverts  de  Iesus  Christ,  que  nous  n'ayons  nulle  accointance  pour  communiquer  avec  eux  en  facon  que  ce  soit,  mais  qu'ils  nous  soyent  detestables  comme  ennemis  de  nostre  salut.  Voila  ce  que  nous  avons  a  noter.  Il  est  vray  que  quelque  fois  il  nous  faudra  laisser  ceux  qui  ne  demandent  qu'a  se  faire  cognoistre  en  pissant  au  benoistier  (comme  on  dit),  car  il  y  en  a  beaucoup  qui  voudroyent  acquerir  bruit  et  Calvini  opera.  Vol.  LIV,