51:81  SUR  L'EPITRE  AUX  GALATES.  ont  allume  le  feu.  Ainsi  en  est-il  quant  au  mot  de  Fardeau.  Il  est  vray  que  c'est  la  main  de  Dieu  qui  presse  les  meschans:  mais  cependant  s'ils  regardent  quelle  est  la  vraye  cause,  ils  la  trouveront  en  leurs  pechez.  Voila  donc  quant  a  ce  mot  de  Fardeau.  Or  apres  que  sainct  Paul  a  ainsi  clos  toute  bouche,  et  qu'il  a  monstre  qu'il  nous  faut  recevoir  paisiblement  le  iugement  que  Dieu  asserera  sur  nous,  il  dit  que  chacun  portera  son  fardeau.  Or  de  la  nous  avons  a  recueillir  ce  que  desia  i'ay  touche,  c'est  a  scavoir  que  chacun  sera  bien  empesche  pour  soy.  Et  notamment  sainct  Paul  parle  ainsi,  pour  ce  que,  quand  ie  me  remets  a  la  coustume,  et  que  ie  di,  l'usage  est  tel,  chacun  fait  ainsi,  c'est  comme  si  ie  me  vouloye  descharger.  Or  maintenant  il  faut  regarder,  si  ceux  que  ie  propose  pour  garents  sont  assez  robustes,  et  s'ils  ont  assez  bonnes  espaules  pour  soustenir  mon  fardeau.  Voila  Dieu  qui  m'appelle,  et  il  est  question  de  rendre  conte  de  ma  vie,  ie  cercheray  des  garents  qui  satisferont  pour  moy.  Et  qui  sont-ils?  Chacun  sera  assez  empesche  pour  soy:  il  n'y  a  celuy  qui  ne  soit  desia  par  trop  coulpables.  Et  comment  donc  pourront-ils  soustenir  mon  fardeau,  quand  ie  le  voudray  reietter  sur  eux,  puis  que  desia  ils  sont  tant  courbez  eux-mesmes  que  c'est  pour  les  accabler  cent  fois?  Et  n'est-ce  pas  donc  une  grande  folie  quand  ie  produiray  de  tels  garents  devant  Dieu?  Ie  seray  coulpable  de  cent  mille  fautes:  ie  seray  la  au  troupeau  comme  les  autres,  et  si  ie  fay  un  droit  examen,  ie  me  trouveray  plus  que  coulpable  (comme  i'ay  dit)  et  cependant  ie  voudray  satisfaire  a  Dieu,  pour  dire,  I'ay  suyvi  le  train  commun.  En  cela  me  voulant  descharger  sur  les  autres,  il  y  aura  mille,  et  deux  mille  personnes  qui  se  viendront  ruer  sur  moy,  et  par  ce  moyen  mon  fardeau  qui  estoit  desia  trop  pesant  sera  aggrave  et  augmente  d'autant  plus:  Voila  donc  comme  nous  demourerons  en  nostre  confusion.  Or  maintenant  nous  voyons  quelle  folie  c'est  de  mettre  en  avant  des  hommes,  comme  s'ils  nous  pouvoyent  maintenir  contre  Dieu,  et  que  nous  peussions  estre  exemptez  de  la  condamnation  que  nous  avons  meritee,  quand  nous  aurons  fait  ainsi  beaucoup  de  boucliers  pour  nous  maintenir  contre  Dieu:  comme  s'il  estoit  question  de  scavoir  qui  le  gagnera,  ou  la  parole  de  Dieu  qui  doit  demeurer  a  iamais  et  estre  inviolable,  ou  bien  nos  appetis  charnels.  Oar  dont  procedent  les  coustumes  et  les  usages,  et  tout  ce  qu'on  appelle  chose  licite,  et  l'anciennete,  et  tout  le  reste?  Ce  n'est  sinon  de  ce  que  les  hommes  veulent  estre  sages  comme  en  despit  de  Dieu:  et  puis  ils  ont  leurs  cupiditez  meschantes  qui  les  transportent,  et  chacun  se  voudra  lascher  la  bride,  et  se  donner  licence  a  tout  mal.  Voila  donc  comme  nous  ne  pouvons  pas  alleguer  Calvini  opera.  Vol,  LL