50:81  81  CAPUT  VIL  82  communicare,  et  manum  illis  in  significationem  consensus,  porrigere.  Multi  de  coniugio  ipsum  loqui  putant,  sed  contextus  eorum  errorem  liquido  coarguit.  Verbum,  quo  utitur  Paulus,  significat  societatem  coire  in  ducendo  iugo.  Metaphora  est  a  bobus  vel  equis  sumpta,  quibus  necesse  est  pariter  incedere,  unumque  opus  communiter  agere,  quum  sub  uno  iugo  sunt  alligati.  Dum  ergo  vetat  ne  ad  trahendum  idem  iugum  simus  infidelium  socii,  hoc  tantum  vult,  ne  eorum  pollutionibus  nos  commisceamus.  Unus  enim  sol  nobis  lucet,  eodem  vescimur  pane,  eundem  spiritum  haurimus,  nec  possumus  in  totum  abstinere  ab  eorum  commerciis:  sed  Eaulus  de  iugo  impietatis  loquitur:  hoc  est,  de  participatione  operum,  quibus  communicare  Christianis  fas  non  est.  Hac  ratione  coniugium  etiam  interdicetur:  quatenus  laqueus  est,  quo  implicantur  tam  viri  quam  mulieres  ad  impietatis  consensum.  Verum  hoc  tantum  volo,  generaliorem  esse  Pauli  doctrinam  quam  ut  ad  solum  coniugium  restringatur.  Nam  de  fugienda  idololatria  hic  concionatur:  cuius  etiam  rei  causa  prohibemur  cum  impiis  matrimonium  contrahere.  Quae  enim  participatio.  Confirmat  suam  exhortationem,  quia  absurda  sit  et  quasi  monstri  similis  copula  rerum  adeo  inter  se  pugnantium.  Nihilo  enim  magis  coire  haec  possunt  quam  aqua  cum  igne.  Summa  huc  redit:  nisi  velint  omnia  confundere,  abstinendum  esse  ab  impiorum  pollutionibus.  Atque  hinc  colligimus,  etiam  qui  superstitiones  ex  animo  non  probant,  simulatione  tamen  pollui,  nisi  palam  et  ingenue  ab  illis  abhorreant.  15.  Quis  consensus  Christo  cum  Belial?  De  etymologia  vocabuli  Belial  ne  inter  Hebraeos  quidem  convenit:  significatio  tamen  non  est  dubia.  Nam  Moses  verbum  aut  cogitationem  Belial  pro  impia  et  nefaria  cogitatione  posuit:  et  passim  filii  vel  homines  Belial  vocantur  scelerati  ac  prostitutae  nequitiae.  Inde  factum  est  ut  Paulus  hic  pro  diabolo  sceleratorum  omnium  capite  usurpaverit.  Nam  a  capitum  similitudine  mox  delabitur  ad  membra  :  ac  si  diceret  :  Quemadmodum  Christo  irreconciliabile  dissidium  est  cum  Satana:  ita  etiam  nos  ab  impiorum  factione  alienos  esse  oportet.  Porro  quod  negat  ullam  Christiano  portionem  esse  cum  infideli,  non  intelligit  de  victu,  vestitu,  praediis,  sole,  aere,  quemadmodum  superius  monui:  sed  de  iis,  quae  propria  sunt  infidelium,  a  quibus  nos  Dominus  segregavit.  16.  Quae  conventio  templo  Dei  cum  idolis  ?  Hactenus  in  genere  vetuit  ne  fideles  se  copulent  cum  impiis:  nunc  declarat  quorsum  praecipue  illis  interdixerit  talem  copulam:  nempe  quia  externam  idololatriae  professionem  desierant  inter  peccata  numerare.  Hanc  licentiam  corripuerat,  multisque  verbis  exagitaverat  in  superiore  epistola.  Verisimile  Calvini  opera.  Vol.  L.