45:81  81  MATTH.  II.  82  tota  Hierosolyma  cum  eo.  4.  Et  convocatis  omnibus  pontificibus  et  scribis  populi,  percunctatus  est  eos,  ubi  Christus  nasceretur.  5.  At  illi  dixerunt  ei:  In  Bethlehem  Iudaeae:  sic  enim  scriptum  est  per  prophetam:  6.  Et  tu  Bethlehem,  terra  Iuda,  nequaquam  minima  es  inter  principes  Iuda:  ex  te  enim  prodibit  dux,  qui  pascet  populum  meum  Israelem.  1.  Quum  natus  esset  Iesus.  Qua  occasione  na-  ^us  fuerit  Christus  in  Bethlehem,  tacet  Matthaeus.  Videtur  autem  spiritus  Dei,  qui  evangelistas  sibi  in  scribas  destinaverat,  consulto  eorum  stylum  ita  esse  moderatus,  ut  unam  et  eandem  historiam  optimo  consensu,  diversis  tamen  modis,  omnes  scriberent:,,  quo  certior  et  illustrior  esset  Dei  veritas,  quum  palam  constaret,  eius  testes  non  ex  composito  loquutos  esse,  sed  quemque  seorsum,  non  habito  alterius  respectu,  simpliciter  ac  libere  scripsisse,  quod  spiritus  dictabat.  Porro  memorabilis  hic  narratur  historia,  quod  Deus  magos  ex  Chaldaea  adsciverit,  qui  adorandi  Christi  causa  in  Iudaeam  venirent,  ubi  inglorius  et  contemptus  in  stabulo  iacebat.  Mirabile  sane  Dei  consilium,  quod  filium  suum  Deus  sub  obscura  humilitate  in  mundum  prodire  voluit:  et  tamen  eum  tam  encomiis  quam  aliis  insignibus  splendide  ornavit,  ne  quid  ad  divinam  eius  maiestatem  probandam  fidei  nostrae  deesset.  Concinna  tamen  in  hac  specie  repugnantiae  harmonia  notanda  est.  Stella  e  coelo  regem  esse  praedicat,  cuius  solium  est  pecorum  praesepe,  quia  locus  illis  etiam  inter  plebeios  homines  negatur.  In  oriente  refulget  eius  maiestas,  quae  in  Iudaea  non  modo  nulla  ap*  paret,  sed  multis  etiam  probris  foedata  est.  Quorsum  id?  nempe  voluit  coelestis  pater  et  stellam  et  magos  constituere  nobis  duces,  qui  recta  nos  ad  filium  suum  deducerent.  Sed  interim  eum  nudavit  omni  terreno  splendore,  ut  sciremus,  spirituale  esse  eius  regnum.  Quare  non  ideo  tantum  utilis  est  haec  historia,  quod  magos  Deus,  tanquam  gentium  primitias  filio  suo  adduxit:  sed  etiam  quia  filii  sui  regnum  tam  illorum  quam  stellae  elogio  celebrari  voluit  in  fidei  nostrae  profectum,  ne  eum  nobis  contemptibilem  pravus  ac  malignus  gentis  suae  despectus  redderet.  Magos  Persis  ac  Chaldaeis  vocari  astrologos  et  philosophos  satis  notum  est:  unde  facilis  coniectura  est,  ex  Perside  istos  venisse.  Porro  quot  fuerint  numero,  quia  non  exprimit  evangelista,  nescire  praestat,  quam  temere  pro  certo  asserere  quod  dubium  est.  Papistas,  ut  tres  fingerent,  puerilis  error  induxit,  quia  dicit  Matthaeus  eos  obtulisse  aurum,  thus,  et  myrrham.  Quasi  vero  distincte  singulis  proprium  munus  assignet,  ac  non  potius  exprimat,  haec  tria  communiter  ab  illis  fuisse  oblata.  Quisquis  ille  fuit  vetus  scriptor,  cuius  commentarius'  imperfectus  in  Matthaeum  nomen  Chrysostomi  inscriptum  habet,  ac  inter  opera  Chrysos-  Calvini  opera.  Vol.  XLV.