44:81  81  CAPUT  L  82  suisse  a  Cyro,  sed  regnasse  illic  Darium  Medum.  Atque  inter  scriptores  de  hac  re  non  convenit:  quoniam  omnes  tradunt  Cyrum  regnasse,  nisi  quod  Xenophon  dicit  Cyaxarem  fuisse  semper  primum,  ita  ut  Cyrus  quasi  personam  legati  duntaxat  sustinuerit.  Sed  Xenophon,  ut  satis  cognoscunt  homines  praediti  iudicio  et  exercitati  in  historiis,  non  scripsit  historiam,  sed  mentitus  est  pro  suo  arbitrio  hberrime:  quia  fingit  Cyrum  fuisse  educatum  apud  avum  maternum  Astyagem.  Atqui  satis  constat  Astyagem  fuisse  bello  devictum  a  Cyro:  deinde  dicit  Cyrum  duxisse  uxorem  satis  longo  spatio  temporis  ex  quo  capta  fuerat  Babylon  :  et  oblatam  quidem  fuisse  ab  avunculo  Cyaxare:  sed  non  ausum  fuisse  illam  ducere  donec  in  Persidem  rediisset,  et  pater  eius  Cambyses  probaret  tale  matrimonium.  Nugatur  illic  Xenophon  et  facit  hoc  iudicio.  Neque  enim  propositum  illi  fuit  historiam  scribere.  Est  gravissimus  scriptor,  verum  est:  sed  in  hoc  falluntur  imperiti  qui  volunt  colligere  omnes  mundi  historias.  Xenophon  est  gravissimus  philosophus,  sed  non  est  gravissimus  historicus:  quia  voluit  data  opera  pro  re  gesta  ficte  narrare  quod  sibi  commodum  videbat.  Fingit  Cyrum  mortuum  fuisse  in  lecto  suo:  et  dictat  longum  testamentum,  et  loquitur  tanquam  philosophus  in  umbra  sua:  scimus  autem  Cyrum  mortuum  fuisse  in  bello  scvthico,  et  occisum  a  regina  Tomyride  quae  ulta  est  mortem  filii:  et  hoc  satis  notum  est  etiam  pueris  ipsis.  Xenophon  tamen,  quia  vult  pingere  imaginem  perfecti  principis,  dicit  Cyrum  in  lecto  suo  mortuum  fuisse.  Ergo  non  possumus  ex  Cyri  paedia,  quam  scripsit  Xenophon,  colligere  quid  verum  sit.  Sed  tamen  si  conferimus  inter  se  historicos,  reperiemus  hoc  fuisse  proditum  fere  omnium  consensu,  Cyro  filium  fuisse  Cambysem.  Deinde  quum  hic  fratrem  minorem  suspectum  haberet,  de  eo  interficiendo  dedisse  mandata:  et  utrumque  mortuum  fuisse  sine  masculis  liberis:  tandem  fraude  magorum  detecta,  filium  Hystaspis  fuisse  tertium  regem  Persarum:  Daniel  Darium  qui  regnavit  Babylone,  vocat  Medum.  Est  autem  ille  Cyaxares.  Ego  hoc  facile  admitto:  sed  regnavit  precario,  quia  libenter  Cyrus  hunc  honorem  detulit.  Et  Cyrus  etiam  quamvis  esset  nepos  Astyagis  ex  filia  eius  Mandane:  tamen  natus  est  patre  non  admodum  nobili.  Nam  Astyages  quum  somniasset  totam  Asiam  urina  filiae  suae  coopertam  esse,  facile  inductus  fuit  ut  eam  locaret  nomini  alienigenae.  Quum  igitur  dedit  eam  Cambysi,  voluit  quasi  in  longinquam  regionem  abiicere,  ut  ne  quis  unquam  haeres  ex  ea  nasceretur,  qui  perveniret  ad  tantum  imperium,  ut  magi  interpretati  fuerant.  Cyrus  ergo  haud  dubie  tantum  strenuitate  sua  adeptus  est  nomen  et  famam,  neque  ausus  fuit  initio  sibi  sumere  nomen  regis,  sed  passus  est  avunculum  suum  et  eundem  socerum  pariter  secum  re-  Calvini  opera.  Vol.  XLIV.