35:81  81  IOB  CHAP.  XXXIII.  82  staurer:  qu'en  les  tormentant  iusques  au  bout,  il  les  veut  resjouir,  et  les  amener  a  repos.  Puis  qu'ainsi  est,  apprehendons  ceste  consolation,  et  qu'elle  nous  suffise  pour  adoucir  toutes  nos  tristesses:  que  nous  ne  perdions  point  courage,  encores  qu'il  semble  que  nous  soyons  du  tout  perdus:  qu'en  vertu  de  ceste  doctrine  nous  passions  tousiours  plus  outre:  que  nous  apprenions  de  nous  relever,  quand  nous  serions  abbatus  voire  iusqu'eux  abysmes.  Voila  donc  ce  que  nous  avons  a  retenir.  Or  il  y  a  puis  apres  quand  Eliu  fait  une  si  longue  description  des  chastimens  de  Dieu,  que  c'est  pour  nous  monstrer  combien  son  ire  est  espouvantable.  Et  ce  nous  est  encores  une  admonition  bien  utile:  car  qui  est  celui  de  nous  qui  pense  a  la  grandeur  de  l'ire  de  Dieu,  selon  qu'il  en  est  parle  en  l'Escriture  saincte?  Il  est  dit  au  Pseaume  nonantieine  au  Cantique  de  Moyse  (v.  l  l  )  ,  Qui  est-ce  qui  saura  la  grandeur  de  ton  ire?  Et  de  fait  combien  que  Tire  de  Dieu  soit  un  feu  qui  est  pour  nous  consumer  du  tout:  si  est-ce  que  nous  n'y  pensons  point,  mais  nous  passons  outre.  Il  nous  en  sera  traitte  en  sermons,  nous  en  lirons  de  si  beaux  passages:  mais  nous  n'en  sommes  point  touchez,  et  nul  ne  s'y  arreste.  D'autant  donc  que  nous  n'estimons  poinc  les  iugemens  de  Dieu,  et  qu'il  nous  semble  que  ce  n'est  quasi  qu'un  ieu:  nous  devons  bien  noter  les  advertissemens  que  nous  donne  le  sainct  Esprit:  comme  en  ce  passage  il  est  dit,  Que  Dieu  mine  les  os,  voire  qu'il  use  d'une  violence  si  grande,  qu'il  n'y  a  force  aux  hommes  qui  ne  soit  du  tout  consumee,  que  leur  chair  se  mange,  qu'elle  s'esvanouyst,  qu'on  ne  voit  qu'image  de  mort,  qu'il  y  a  des  tormens  continuels,  que  l'homme  est  la��  comme  trespasse.  Ce  n'est  point  sans  cause  que  tout  ceci  nous  est  mis  au  devant:  mais  c'est  afin  de  nous  resveiller,  et  que  nous  pensions  mieux  quand  Dieu  en  son  ire  desploye  ses  iugemens  contre  nous,  afin  de  nous  faire  sentir  nos  pechez,  que  ce  sont  des  tormens  plus  espouvantables  qu'on  ne  les  pourroit  exprimer:  comme  nous  voyons  aussi  que  l'Escriture  saincte  use  de  tant  de  comparaisons.  Pourquoi  est-ce  qu'elle  fait  Dieu  semblable  a  un  lion  qui  rompt  et  casse  avec  les  dents,  qui  dissipe  avec  les  ongles?  Ce  n'est  point  pour  attribuer  a  Dieu  une  cruaute,  laquelle  ne  lui  convient  pas:  mais  c'est  pour  nous  humilier,  d'autant  que  nous  sommes  stupides,  et  ne  savons  que  c'est  de  craindre  Dieu,  pour  avoir  horreur  des  punitions  qu'il  envoye  sur  ceux  qui  se  sont  eslevez  contre  lui.  Afin  donc  que  nous  ne  soyons  plus  preoccupez  d'une  telle  stupidite,  l'Escriture  sainte  nous  propose  Dieu,  comme  un  lion  qui  vient  la  avec  les  dents  et  les  ongles:  pour  nous  faire  entendre  que  quand  il  est  ques-  Calvini  opera.  Vol.  XXXV.