31:81  81  PSALMUS  VII.  82  tionem  impulisset,  et  struendas  Sauli  insidias,  cui  obstricta  erat  eius  fides:  priore  membro  ab  illa  infamia  se  purgat.  Ideo  forte  Saulem  vocat  pacatum  suum,  quia  iure  regio  sanctus  ac  tutus  esse  decebat,  ne  quid  hostile  in  eum  tentare  fas  esset.  Quanquam  potest  hoc  nomen  indefinite  accipi  :  ac  si  dixisset:  Nemo  qui  modeste  se  ab  iuiuria  continuerit,  ac  se  humaniter  erga  me  gesserit,  vere  queretur  se  fuisse  ullo  meo  maleficio  offensum.  Et  tamen  ita  vulgo  persuasi  erant  de  Davide,  in  media  pace  eum  movisse  graves  turbas,  et  causam  dedisse  bello.  Unde  melius  apparet,  modo  probetur  Deo,  in  hac  sola  consolatione  acquiescere.  In  secunda  parte  versus  longius  progreditur,  nempe  quod  non  tantum  bonis  amicus  fuerit,  sed  etiam  improbis:  nec  tantum  se  cohibuerit  ab  omni  vindicta,  sed  opem  tulerit  inimicis,  a  quibus  graves  iniurias  perpessus  erat.  Et  certe  non  admodum  praeclara  virtus  esset,  bonos  et  placidos  amore  prosequi,  nisi  in  malis  quoque  patienter  ferendis  moderatio  et  aequitas  accederet.  Ubi  vero  quispiam  non  modo  acceptas  iniurias  non  retaliat,  sed  malum  beneficentia  vincere  conatur,  verum  specimen  divinae  virtutis  exhibet,  atque  hoc  modo  unum  se  ex  filiis  Dei  esse  demonstrat,  quia  nonnisi  a  spiritu  adoptionis  talis  mansuetudo  procedit.  Quod  ad  verba  spectat,  quia  ybn  dividere  significat,  quidam  ut  nihil  siibaudiant,  ita  exponunt  hunc  locum:  Si  ego  me  subduxi  a  persequutoribus  quin  suppetias  illis  ferrem.  Receptior  tamen  est  altera  interpretatio,  ut  sit  eripere  vel  eruere  a  periculo:  quia  separamus  quae  volumus  in  tuto  locare.  Ita  subaudienda  erit  negatio:  quod  in  Psalmis  non  raro  fieri  videbimus.  6.  (Persequatur  inimicus.)  Magnum  optimae  fiduciae  signum,  quod  nullam  quantumvis  atrocis  poenae  speciem  recusat  David,  si  in  maleficio  deprehensus  fuerit.  Talem  conscientiam  si  possemus  coram  Deo  afferre,  promptior  ad  ferendum  statim  nobis  auxilium  esset  eius  manus.  Sed  quia  saepe  fit,  ut  qui  nos  infestant,  provocati  a  nobis  fuerint:  vel  quia  offensi  ardemus  studio  vindictae,  indigni  sumus,  quibus  Deus  succurrat:  imo  ianuam  nostra  intemperies  precibus  nostris  claudit.  Primo  David  hostium  libidini  subiici  paratus  est,  ut  vitam  suam  comprehendant,  et  prosternant  in  terram:  deinde  prostitui  eorum  ludibrio,  ut  etiam  mortuus  aeternae  ignominiae  subiaceat.  Quanquam  nomen  TQ3  quidam  pro  vita  sumi  volunt,  ut  ter  idem  repetat.  Sed  mihi  plenior  videtur  fore  sensus  si  referas  ad  memoriam  :  ac  si  dixisset  :  Non  modo  me  hostis  perdat,  sed  mortuum  quoque  afficiat  probris  omnibus,  ut  nomen  meum  in  luto  vel  stercore  habitet.  7.  Surge  Iehova  in  furore  tuo,  evehere  in  hostium  meorum  indignationem,  et  evigila  super  me  ad  iudicium  quod  mandasti.  8.  Et  congregatio  populorum  Calvini  opera.  Vol.  XXXI.