30:81  81  IN  I.  LIB.  SAMUEL.  CAP.  XV.  82  merito  insanus  habebitur?  Nonne  in  se  poenas  meritas  temeritate  sua  trahet,  quod  tali  iudicio  resistat?  Sed  si  causam  ignorans  quare  ad  capitale  supplicium  damnatus  sit,  aut  si  legum  et  iuris  omnis  ignarus  velit  in  iudicum  sententias  inquirere,  et  ex  suo  sensu  et  iudicio  sententiam  ferre,  iuraque  omnia  corrumpere,  nonne  merito  talis  homo  summae  stultitiae,  aut  arrogantiae  et  superbiae  intolerabilis  reus  erit,  et  omnium  calculo  damnabitur?  Quid  ergo  dicendum  putamus  de  hominibus  in  Dei  iudicia  inquirentibus,  penes  quem  unum  est  totius  mundi  potestas?  Quare  meditanda  est  et  nostris  mentibus  altius  infigenda  Pauli  sententia:  Quis  tu  es  qui  condemnas  alienum  famulum?  Scriptum  est  enim:  Vivo  ego,  dicit  Dominus  :  quoniam  mihi  sese  flectet  omne  genu:  et  omnis  lingua  confitebitur  Deo.  Quamobrem  quotiescunque  iudicem  unum  summum  esse  audimus  omnium,  annon  terrore  percelli,  et  fraenos  iniicere  nos  ipsos  nobis  oportet,  et  ab  ipso  pendere,  et  sententiam  ab  ipso  latam  venerari,  quandoquidem  penes  ipsum  est  potestas  nos  ad  ipsos  inferos  quum  volet  detrudendi?  At  si  contra  Deo  terminos  ponere,  et  ad  nostram  mensuram  ipsius  iudicia  exigere,  aut  si  non  placuerint  repudiare  audeamus,  nonne  diabolicus  erit  furor  et  insania  intolerabilis?  Itaque  necesse  est  ut  nostri  ingenii  tenuitatem  inspiciamus,  quae  Dei  arcana  scrutari  non  potest,  quandoquidem  sunt  profundissima  abyssus,  in  quam  semel  immersi  nunquam  emergunt.  Quare  itaque  mortales  hic  suam  opinionem  adferent,  et  temere  iudicabunt,  et  de  rebus  incognitis  sententiam  ferent?  Nae  Deo  rationes  constant  iudiciorum  suorum,  ut  quidquid  homines  obloquantur,  iustus  sit  semper  Iehova,  et  rectus  iudiciis  suis,  ut  olim  cecinit  propheta:  sed  nostro  damno  et  summo  cum  dedecore  et  ignominia.  Ex  quibus  apparet  summam  ebbe  insaniam,  quum  audent  mortales  in  Domini  facta  inquirere,  et  adversus  Dei  iudicia  murmurare.  Quid  ergo  faciendum,  quum  nimia  crudelitas  esse  nobis  videbitur  etiam  in  pueros  a  matrum  uberibus  pendentes  saevire?  Nae  in  memoriam  revocanda  sententia  illa  Domini,  Deum  nempe  a  se  reiecturum  filios  eorum  usque  in  tertiam  et  quartam  generationem  qui  ipsi  rebelles  fuerint,  et  pro  patrum  peccatis  poenas  ab  ipsis  repetiturum.  Sane  Dominus  istis  verbis  non  profitetur  summam  aliquam  iracundiam  aut  crudelitatem  adversus  innocentes.  Nam  patrum  iniquitatem  in  filiis  visitans,  satis  iustam  occasionem  illos  condemnandi  habet,  quum  in  ipsis  illorum  filiis  semper  adhaereat  satis  vitii  punitione  divina  dignum.  Sed  una  cum  patribus  illos  complectitur,  ut  se  omnium  aetatum  iudicem  esse  ostendat.  Neque  vero  praescribi  ipsi  ullos  terminos  legem  ve  imponi,  quasi  mortali,  fas  est:  sed  omnipotentem  agnosci,  coram  quo  mille  anni  sunt  unius  diei  instar.  Quod  si  Calvini  opera.  Vol  XXX.