27:81  81  SUR  LE  DEUTER.  CHAP.  XL  82  du  soin  que  Dieu  a  de  son  Eglise:  et  la  mesmes  il  nous  faut  avoir  une  peinture  vive  comme  Dieu  nous  retire  d'un  abysme,  et  d'un  gouffre  de  mort,  quand  il  nous  choisit  pour  estre  de  sa  maison,  ii  faut  bien  que  nous  facions  nostre  profit  de  ce  qui  a  este  fait  pour  lors,  combien  que  nous  ne  Payons  pas  veu.  Mais  ici  Moyse  argumente  par  ceste  comparaison  :  Si  ie  parloye  (dit-il)  a  vous  enfans,  il  est  vray  qu'ils  devroyent  encores  faire  leur  profit  de  ce  qu'ils  auroyent  este  enseignez:  et  combien  qu'ils  n'ayent  pas  veu  la  chose  a  l'oeil  ?  ce  tesmoignage  qu'ils  en  ont  leur  doit  profiter:  mais  de  vous,  il  faut  que  vous  soyez  mieux  advisez  de  regarder  a  ce  que  Dieu  vous  a  monstre:  vostre  ingratitude  sera  double,  si  vous  n'en  faites  vostre  profit,  et  vostre  condamnation  en  sera  beaucoup  plus  griefve.  Qu'estce  que  vous  pourrez  alleguer  si  vous  n'estes  addonnez  pleinement  a  magnifier  une  telle  grace?  c'est  a  dire,  quand  Dieu  ne  sera  point  honore  de  vous,  veu  qu'il  vous  a  rachetez  si  cherement,  et  qu'il  a  monstre  que  vostre  salut  luy  estoit  si  precieux?  Puis  qu'ainsi  est  que  Dieu  s'est  declaire  tel  envers  vous,  quel  est  vostre  devoir?  Or  ici  nous  sommes  admonnestez,  que  nostre  Seigneur  nous  aura  fait  sentir  par  experience  quelque  grace,  que  si  nous  n'en  faisons  nostre  profit,  afin  de  le  servir  de  plus  grand  courage,  et  d'un  zele  tant  plus  ardent:  qu'il  faudra  bien  que  cela  vienne  en  conte,  et  que  nous  attendions  une  condamnation  horrible  sur  nous  pour  une  telle  ingratitude.  Or  regardons  maintenant  comme  nous  faisons  profiter  les  graces  de  Dieu.  De  nostre  temps  n'a-on  point  assez  veu  et  senti,  comme  il  nous  a  aide  au  besoin,  et  qu'il  a  estendu  sa  main  forte?  Si  chacun  recognoist  en  son  prive  en  combien  de  sortes  Dieu  s'est  monstre  liberal,  il  est  certain  que  nous  devons  estre  confus.  Et  puis,  regardons  l'estat  general  de  l'Eglise.  Dieu  n'a-il  pas  besongne  en  nostre  temps  et  ca  et  la,  en  telle  sorte  qu'il  faut  bien  que  si  nous  ne  sommes  comme  monstres,  que  nous  soyons  pires  que  bestes  brutes,  que  nous  sentions  qu'il  a  voulu  ici  declairer  par  miracles  comme  il  regne  au  ciel?  Or  maintenant  advisons  comme  chacun  de  nous  est  incite  a  le  servir:  mais  il  semble  que  nous  ne  demandions  que  des  bandeaux  pour  nous  cacher  la  veue,  et  que  nous  ne  croyons  point  les  choses  qui  nous  doivent  estre,  et  sont  aussi  toutes  patentes.  Or  tant  y  a  que  ceste  doctrine  n'a  point  este  prononcee  sans  cause:  c'est  que  si  Dieu  nous  a  monstre  par  effect  comme  il  habite  au  milieu  de  nous,  et  qu'il  a  estendu  sa  main  du  ciel  pour  declairer  que  toute  puissance  luy  appartient,  et  qu'il  veut  estre  le  salut  de  son  Eglise:  si  nous  ne  le  croyons  point,  ou  que  nous  facions  des  borgnes,  que  nous  tournions  le  dos,  que  nous  fermions  les  yeux  a  nostre  escient,  au  lieu  que  nous  devrions  Calvini  opera.  Vol  XXVII.