26:81  81  SUR  LE  DEUTER.  CHAP.  III.  82  tant  et  plus.  Nous  aurons  bien  honte,  quand  un  homme  mortel  nous  aura  fait  du  bien,  de  tousiours  y  retourner:  mais  cela  n'a  point  de  lieu  envers  Dieu.  Il  ne  se  lasse  point  de  bien  faire.  Et  aussi  en  bien  faisant,  il  n'est  pas  espuise,  comme  seroyent  les  creatures.  Et  neantmoins  encores  que  nous  retournions  pour  la  troisieme  et  quatrieme  fois  a  un  homme  qui  nous  aura  fait  du  bien  et  du  plaisir,  nous  dirons:  Vous  m'avez  donne  la  hardiesse  de  retourner  vers  vous  pour  les  biens  que  vous  m'avez  desia  faits,  pour  lesquels  ie  me  sen  desia  oblige:  et  ce  sera  pour  augmenter  l'obligation  d'autant.  Si  cela  se  dit  aux  hommes  mortels:  c'est  envers  Dieu  principalement  qu'il  le  faut  pratiquer.  Car  nous  ne  luy  pouvons  pas  alleguer  nos  merites,  ne  rien  qui  soit  de  nous.  Il  faut  donc  que  nous  suyvions  ce  qui  nous  est  ici  monstre.  Seigneur,  puis  que  tu  as  commence  a  nous  bien  faire,  que  tu  continues  aussi.  Car  Dieu  s'oblige  envers  nous  en  nous  bien  faisant:  non  pas  qu'il  y  soit  tenu:  il  n'est  pas  question  de  venir  a  luy  avec  une  fierte,  comme  s'il  nous  dev.oit  rien:  mais  tant  y  a  que  selon  que  nous  avons  experimente  sa  bonte  et  sa  grace,  que  nous  sommes  tant  plus  privez  envers  luy.  Et  voila  a  quoy  il  nous  faut  ietter  la  veue.  Et  c'est  aussi  comme  Dieu  est  vrayement  glorifie  de  nous.  Quand  ie  viendray:  He  Seigneur,  il  est  vray  que  ie  ne  suis  rien,  ie  ne  puis  rien,  ie  n'ay  en  moy  que  tout  mal:  mais  puis  que  i'ay  desia  cogneu  que  tu  es  si  liberal,  et  que  tu  fes  monstre  a  moy  en  tant  de  sortes  :  voila  pourquoy  i'y  retourne  encores.  Voila,  di-ie,  comme  Dieu  sera  glorifie,  et  pour  le  temps  passe,  et  pour  le  temps  a  venir.  Et  ce  n'est  point  Moyse  seul  qui  a  use  de  ceste  facon  de  prier  :  nous  voyons  qu'elle  a  este  commune  aux  peres  anciens.  Combien  de  fois  aux  Pseaumes  voyons-nous  que  ceci  est  allegue?  et  nous  voyons  aussi  comme  Iacob  en  a  use.  Seigneur,  ie  suis  rempli  de  tes  benefices:  quand  ie  regarde  les  biens  que  tu  m'as  eslargi,  il  faut  que  ie  cognoisse  une  merveilleuse  misericorde  de  laquelle  tu  as  use  envers  moy:  et  toutesfois  dit-il,  si  faut-il  que  maintenant  i'y  retourne  encores.  Ainsi  apprenons  que  si  Moyse,  un  homme  de  Dieu,  voire  et  qui  ha  un  tesmoignage  si  excellent  du  sainct  Esprit,  en  priant  n'a  point  allegue  ses  merites,  et  ne  s'est  vante  de  nulle  dignite  qu'il  a  eu  de  sa  part:  par  plus  forte  raison  il  nous  faut  confesser  que  nous  sommes  plus  qu'indignes  de  prier  Dieu,  et  qu'il  nous  faut  demettre  et  despouiller  de  tout  orgueil,  quand  il  est  question  de  venir  a  luy:  que  nous  ne  presumions  rien  qui  soit  de  nos  personnes.  Voila  pour  un  item.  Au  reste,  si  nous  sommes  indignes  de  prier  :  nous  aurons  bien  dequoy  estre  hardis  en  tant  de  benefices  que  nous  avons  receus  de  la  main  de  Dieu.  Car  quand  il  a  estendu  sa  main  iusques  a  nous,  ce  n'est  pas  Calvini  opera.  Voi.  XXVI.