23:81  81  COMMENTARIUS  IN  GENESIN.  diversis  figuris  usurpat:  rectius,  meo  indicio,  sentiunt  qui  tradunt  generale  esse  nomen.  Caeterum  ad  angelos  referri,  plus  satis  notum  est.  Unde  et  Ezech.  28,  14  superbum  Tyri  regem  hoc  titulo  insignit,  primario  angelo  eum  comparans.  CAPUT  IV.  1.  Et  Adam  cognovit  Heva  uxorem  suam:  quae  concepit,  et  peperit  Cain  :  et  dixit,  acquisivi  virum  a  Iehova.  2.  Et  addidit  parere  fratrem  eius  Ebel  :  fuit  autem  Ebel  pastor  ovium,  et  Cain  fuit  cultor  terrae.  3.  Et  fuit,  a  fine  dierum  adduxit  Cain  de  fructu  terrae  oblationem  Iehovae.  4.  Et  Ebel  etiam  ipse  adduxit  de  primogenitis  pecudum  suarum,  et  de  adipe  earum,  et  respexit  Iehova  ad  Ebel,  et  ad  oblationem  eius.  5.  Ad  Cain  vero  et  ad  oblationem  eius  non  respexit:  iratus  est  itaque  Cain  valde,  et  concidit  vultus  eius.  6.  Et  dixit  Iehova  ad  Cain,  utquid  excanduisti  ?  et  utquid  concidit  vultus  tuus?  7.  Annon  si  recte  egeris,  erit  acceptatio  ?  et  si  non  bene  egeris,  in  foribus  peccatum  cubat:  et  ad  te  erit  appetitus  eius,  et  tu  dominaberis  ei.  8.  Et  loquutus  est  Cain  ad  Ebel  fratrem  suum:  et  accidit  quum  essent  in  agro,  insurrexit  Cain  contra  Ebel  fratrem  suum,  et  occidit  eum.  9.  Et  dixit  Ieh&va  ad  Cain:  Ubi  est  Ebel  frater  tuus?  Et  ait:  Nescio,  numquid  custos  fratris  mei  sum  ego?  10.  Et  dixit,  quid  fecisti?  vox  sanguinis  fratris  tui  clamat  ad  me  e  terra.  ll.  Nunc  itaque  maledictus  eris  e  terra,  quae  aperuit  os  suum  ut  exciperet  sanguinem  fratris  tui  e  manu  tua.  12.  Quando  coles  terram,  non  addet  ut  det  vim  suam  tibi:  vagus  et  profugus  eris  in  terra.  13.  Et  dixit  Cain  ad  Iehovam,  Maior  est  punitio  mea  quam  ut  feram.  14.  Ecce,  eiecisti  me  hodie  a  facie  terrae,  et  a  facie  tua  abscondar,  eroque  vagus,  et  profugus  in  terra:  et  erit,  ut  quicunque  invenerit  me,  occidat  me.  15.  Et  dixit  ei  Iehova,  Propterea  quicunque  occiderit  Cain,  septuplum  vindicabitur.  Et  posuit  Iehova  signum  in  Cain,  ne  percuteret  eum  ullus  qui  inveniret  eum.  16.  Et  egressus  est  Cain  a  facie  Iehova,  et  habitavit  in  terra  Nod  ad  Orientem  Heden.  17.  Cognovit  autem  Cain  uxorem  suam  :  quae  concepit,  et  peperit  Hanoch  :  aedificavitque  civitatem,  et  vocavit  nomen  civitatis  nomine  filii  sui  Hanoch.  18.  Porro  natus  est  ipsi  Hanoch  Hirad,  et  Hirad  genuit  Mehuiael,  et  Mehuiael  genuit  Methusael,  et  Methusael  genuit  Lemech.  19.  Et  accepit  sibi  Lemech  duas  uxores:  nomen  unius  Hada,  et  nomen  secundae  Silla.  20.  Et  genuit  Hada  Iabal:  ipse  fuit  pater  inhabitantis  tentorium,  et  pecoris.  21.  Et  nomen  fratris  eius,  Iubal:  ipse  fuit  pater  omnis  contrectantis  citharam  et  organum.  22.  Et  Silla  etiam  ipsa  peperit  Thubalcain,  polientem  omne  opificium  aereum  et  ferreum:  et  soror  Thubalcain,  fuit  Calvini  opera.  Vol  XXIII.