21:81  81  PAR  NICOLAS  COLLADON.  82  il  estima  qu'il  n'estoit  pas  besoin.  Le  second  accez  venoit  au  Dimanche  10.  iour  de  May,  et  lors  en  son  sermon  devoyent  estre  presentez  au  peuple  deux  nouveaux  Pasteurs,  au  lieu  de  deux  autres,  dont  l'un  estoit  mort,  et  l'autre  avoit  este  depose  pour  malversation.  Or  luy  ne  pensant  point  a  sa  fievre,  ou  n'y  voulant  point  penser  (tant  il  prenoit  grand  plaisir  de  servir  l'Eglise)  un  bien  peu  devant  qu'il  sortist  de  sa  maison  pour  aller  au  temple,  on  apperceut  a  ses  doigts  quelque  signe  de  l'accez  venant.  Mais  il  dissimula  cela,  et  monta  en  chaire,  et  apres  la  priere  et  le  chant  du  Pseaume,  commenca  son  sermon,  et  s'efforca  de  continuer,  faisant  apporter  pour  son  soulagement  une  selle1)  dedans  la  chaire,  afin  de  s'assoir.  Mais  la  force  des  frissons  le  pressant  tousiours,  il  fut  contreint  finalement  de  s'excuser  envers  l'assemblee,  et  se  retirer  en  sa  maison,  n'ayant  fait  qu'une  partie  de  son  sermon.  Pour  suppleer  au  defaut,  et  afin  que  l'acte  ne  demeurast  imparfait,  un  des  autres  ministres  la  presens,  assavoir  M*  Nicolas  des  Gallars,  acheva  le  sermon,  poursuivant  fort  bien  a  propos  le  texte  qu'avoit  commence  a  exposer  ledit  Calvin.  Ceste  annee-la  pour  les  sermons  ordinaires  de  sa  sepmaine,  il  print  le  Ieudi  IG.  iour  de  Iuillet  le  Prophete  [e  5]  Isaie:  lequel  quelques  annees  auparavant  il  avoit  presche  en  l'Eglise,  et  depuis  leu  en  l'escole,  comme  ii  a  este  dit.  Le  26  iour  d'Aoust  il  partit,  accompagne  d'aucuns  de  ses  amis,  pour  aller  a  Francfort,  en  estant  requis  par  les  Seigneurs  de  ladite  ville,  afin  d'appaiser  quelques  troubles  esmeus  en  l'Eglise  Francoise  que  lesdits  Seigneurs  y  avoyent  recueillie  bien  humainement.  Auquel  affaire  il  se  porta  tellement,  que  son  voyage  fut  profitable  a  icelle  Eglise  Francoise,  et  agreable  aussi  a  la  Seigneurie  dudit  Francfort.  Au  retour  dudit  voyage,  tant  pour  le  labeur  que  la  longueur  du  chemin,  il  eut  ses  hemorroides,  et  l'ulcere  dont  il  a  este  parle  luy  revint:  mais  pour  cela  il  ne  s'en  mit  au  lict,  et  ne  laissa  rien  de  sa  charge.  Ceste  annee-la,  ii  composa  le  petit  livret  intitule  Reformation  pour  im  poser  silence  a  un  certain  belistre,  nomme  Antoine  Cathelan,  iadis  cordelier  d'Albigeois.  L'occasion  fut,  que  ce  galandla2)  avec  une  sienne  putain  estant  ici  venu,  fut  incontinent  cognu  tel  qu'il  estoit,  un  affronteur,  et  pourtant  contreint  de  desloger.  Et  puis  s'estant  retire  a  Lausanne  et  aux  terres  de  Berne,  fit  tant  par  ses  beaux  actes,  qu'il  en  fut  banni  sur  peine  du  fouet.  Or  cela  le  despita  tellement,  que  s'en  estant  retourne  en  France,  il  fit  imprimer  une  certaine  epistre,  intitulee  a  Messeigneurs  les  Syn-  1)  un  siege  F.  2)  cet  homme-la  F.  Calvini  opera.  Vol.  XXI