13:81  81  1548  OCTOB.  82  duplo  graviorem  poenam  commereri.  Quum  igitur  tam  negligentes  simus  ad  obediendum  voluntati  Dei,  cuius  centuplo  uberior  exstat  notitia  inter  nos,  quam  superioribus  saeculis,  alienum  videri  non  debet,  si  vehementius  in  nos  excandescat,  qui  omnium  hominum  minime  excusabiles  sumus.  Quumque  operam  non  damus  ut  bonum  semen  promoveatur  et  incrementum  capiat,  merito  inter  nos  spinae  et  sentes  artificio  Satanae  subcrescunt,  quarum  deinde  punctionibus  infestemur.  Quum  denique  creatori  ipsi  ius  illud  suum  non  exhibeamus  in  nobis  ipsis,  non  minus  aequum  est  hominum  contumaciam  adversum  nos  ipsos  experiri.  Ut  ad  te  vero  me  propius  conferam,  Amplissime  Domine,  audio  esse  duo  seditiosorum  genera,  quae  adversus  Regem  ac  regni  statum  caput  extulerunt.  Alii  enim,  cerebrosi  quidam  videlicet,  sub  evangelii  nomine  axaCCav  passim  invectam  vellent.  Alii  vero  in  superstitionibus  Antichristi  ita  obduruerunt,  ut  earum  revulsionem  ferre  non  possint.  Ac  merentur  quidem,  tum  hi  tum  illi  gladio  ultore  coerceri,  quem  tibi  tradidit  Dominus:  quum  non  in  Regem  tantum  insurgant,  sed  m  Deum  ipsum  qui  et  Regem  in  regia  sede  constituit,  et  te  protectorem  instituit,  tum  personae  tum  ipsius  etiam  regiae  maiestatis.  Illud  vero  hic  ante  omnia  procurandum  est,  ut  quantum  fieri  poterit,  illi  qui  eo  evangelii  gustu  praediti  sunt  ut  illi  iam  addictos  esse  constet,  ipsum  porro  ea  animi  deiectione  ac  reverentia  admittant,  ut  et  sibi  ipsis  plane  abrenuntient,  et  sese  Deo  in  solidum  ut  par  est,  addicant.  Sic  enim  illos  cogitare  oportet,  Dominum  nempe  istiusmodi  occasionibus  ipsos  expergefacere,  ut  magis  serio  in  ipsius  verbo  proficiant,  quam  hactenus  praestiterint.  Frenetici  quidem  illi  qui  mundum  in  supinam  quandam  licentiam  transversum  cuperent,  excitantur  a  Satana  nominatim,  ut  per  illos  evangelium  male  audiat:  quasi  evangelium  causam  praeberet  rebellioni  adversus  principatus,  atque  meram  in  mundum  dissipationem  inveherer.  Piorum  est  vero,  ad  tam  infaustos  conatus  perditorum  hominum  ingemiscere,  dum  lucem  Dominus  qui  illas  tenebras  serius  ocius  certissime  discussum  sit,  sustinendo  implorant.  1)  Papistae  vero  dum  idoli  sui  Romani  foeditates  et  abominationes  tueri  student,  apertum  odium  et  beneficii  Christi  et  omnium  ipsius  mandatorum  magis  ac  magis  produnt:  quod  tamen  non  potest  non  extremum  moerorem  illis  afferre,  apud  quos  vel  gutta  sinceri  zeli  superest.  Quare  sibi  et  ista  a  Domino  destinari  pii  agnoscant,  quae  totidem  sint  ad  ipsos  castigandos  flagella,  quia  nempe  legitimos  evangelii  fructus  non  ferant.  Summa  ratio  igitur  atque  unice  1085  bis  1)  Locus  corruptus.  Ed.  Laus.  praebet  lucem  a  Domino,  quod  nihilo  melius  Abest  totus  a  gallico  Calvini  opera.  Vol.  Xl  II.