9:809  809  PRAEFATIONES.  810  vie  et  salut,  c'est  la  foy  et  certitude  des  promesses  de  Dieu,  qui  ne  se  peult  avoir  sans  L'evangile:  par  l'ouye  et  intelligence  duquel  la  vive  foy  est  baillee,  avec  certaine  esperance  et  parfaicte  charite  pn  Dieu,  et  amour  ardente  envers  son  prochain.  Ou  est  donc  vostre  esperance  si  vous  contemnez  et  desdaignez  de  ouyr,  veoir,  lire,  et  retenir  ce  sainct  Evangile?  Ceulx  qui  ont  leurs  affections  fichees  en  ce  monde  pourchassent  par  tous  moyens  ce  qu'ilz  pensent  appartenir  a  leur  felicite,  sans  espargner  ne  labeur,  ne  corps,  ne  vie,  ne  renommee.  Et  toutes  ces  choses  se  font  pour  servir  a  ce  malheureux  corps:  duquel  ia  vie  est  si  vaine,  miserable  et  incertaine.  Quand  il  est  question  de  la  vie  immortelle  et  incorruptible,  de  la  beatitude  eternelle  et  inestimable,  de  tous  les  thresors  de  paradis,  ne  nous  efforeerons  nous  point  de  les  poursuyvre?  Ceulx  qui  se  adonnent  aux  ars  mechanicques  (quelques  basses  ou  viles  qu'elles  soient)  mettent  si  grand  peine  et  travail  a  les  apprendre  et  scavoir,  et  ceulx  qui  veulent  estre  reputez  les  plus  vertueux  se  tormentent  l'esperit  nuict  et  iour  pour  comprendre  quelque  chose  aux  sciences  humaines,  que  ne  sont  que  vent  et  fumee.  Combien  au  pris  nous  devons  nous  employer  et  efforcer  en  l'estude  de  ceste  sapience  celeste?  qui  oultrepasse  tout  le  monde,  et  penestre  iusque  aux  mysteres  de  Dieu?  Lesquelz  il  luy  a  pleu  reveler  par  sa  saincte  parolle.  Quelle  chose  donc  sera  ce  qui  nous  pourra  estranger  et  aliener  de  ce  sainct  Evangile?  Seront  cc  iniures,  maledictions,  opprobres,  privations  des  honneurs  mondains?  Mais  nous  scavons  bien  que  Iesus  Christ  a  passe  par  tel  chemin,  lequel  nous  devons  suyvre,  si  voulons  estre  ses  disciples,  et  n'est  pas  a  refuser  d'estre  contemne,  mocque,  abaisse,  reiecte  devant  les  hommes:  pour  estre  honnore,  prise,  glorifie  et  exalte  au  iugement  de  Dieu.  Seront  ce  banissemens,  proscriptions,  privations  de  biens  et  richesses?  Mais  nous  scavons  bien  que  quand  nous  serons  bannys  d'ung  pays,  la  terre  est  au  Seigneur.  Et  quand  nous  serons  iectez  de  toute  la  terre,  que  nous  ne  serons  pas  toutesfois  .  hors  de  son  regne.  Que  quand  nous  serons  despouillez  et  apaovris,  que  nous  avons  ung  pere  assez  riche  pour  nous  nourrir,  et  mesme  que  Iesus  Christ  s'est  faict  paovre,  affin  que  le  suyvions  en  paovrete.  Seront  ce  afflictions,  prisons,  tortures,  tormentz?  Mais  nous  congnoissons  par  l'exemple  de  Iesus  Christ  que  c'est  le  chemin  pour  parvenir  en  gloire.  Sera  ce  finalement  la  mort?  Mais  elle  ne  nous  oste  pas  la  vie  qui  est  a  souhaicter.