9:808  tuorum  corpora,  illum  adeo  sursum  omnia  et  deorsum  Deum  suum  ac  Dominum  et  supremum  herum,  illum  coelestem  legatum  ad  hominum  salutem  a  patre  demissum  agnoverunt,  testata  sunt,  inclamarunt.  Horum  omnium  autem  verissimae  tabulae  hoc  novo  foedere  exhibentur.  Hic  regni  paterni  haeredes  instituit.  Hic  apud  haeredes  designatos  suam  mentem  testatus  est,  cuius  plenum  effectum  suo  tempore  sorti  antur.  Ad  istam  haereditatem  vocamur  omnes  sine  personarum  acceptione,  masculi,  foeminae,  summi,  infimi,  heri,  servi,  magistri,  discipuli,  doctores,  idiotae  ,  Iudaei,  Graeci,  Galli,  Romani  :  nemo  hinc  excluditur,  qui  modo  Christum  qualis  offertur  a  patre  in  salutem  omnium  admittat,  et  admissum  complectatur.  Agite  igitur  Christiani  et  Christianae  mecum  omnes,  ac  ne  testamenti  illius  tabulas  celari  vel  corrumpi  sinamus,  quod  tam  firmo  iure  nostrum  est,  sine  quo  coelestis  regni  spes  omnis  frustra  concipitur:  omnisque  verorum  bonorum,  promissionum  Christi,  incomparabilis  beatitudinis  ab  ipso  destinatae  nobis  exspectatio  concidit  atque  intervertitur.  Nam  quo  nos  convertemus  uno  hoc  singulari  lumine  destituti,  ut  quod  sit  boni  et  mali  discrimen,  quid  Dominus  iubeat,  quid  vetet,  quid  lux,  quid  tenebrae,  quid  e  coelo  sit,  quid  ex  hominibus,  statuere  possimus?  Tolle  evangelium,  divitiae  egestatem  spirant,  sapientia  stultitiam  sapit  coram  Domino,  potentia  imbecillitatis  convincitur,  omnis  humana  iustitia  apud  Dei  tribunal  damnata  corruit.  Rursus  evangelii  notitia  efficimur  filii  Dei,  fratres  Christi,  communicipes  sanctorum,  coelorum  cives,  Dei  cum  Christo  cohaeredes.  Sic  egeni  cumulamur,  debiles  viribus  donamui%  stulti  sapimus,  iniusti  iustificamur,  moerentes  consolationem  percipimus,  trepidi  ad  confidentiam  erigimur,  servi  ad  libertatem  vocamur.  Evangelium  est  verbum  vitae,  verbum  veritatis,  potentia  Dei  ad  salutem  cuivis  credenti,  clavis  scientiae  salutis.  Hac  regni  coelorum  fores  credentibus  patefiunt,  dum  a  peccatis  absolvuntur.  Hac  incredulis  obserantur  fores,  dum  in  peccatis  constringuntur.  Felices  qui  audiunt,  qui  custodiunt,  qui  veras  filiorum  Dei  notas  ita  in  sese  exhibent.  Infelices  qui  respuunt  audire,  qui  observare  negligunt,  qui  sese  eo  modo  diaboli  filios  produnt.  Huc  huc  Christiani  omnes  attendite,  hic  sapere  audete:  ignorans  enim  ignorabitur,  ac  si  caecus  caecum  ducat,  ambo  in  foveam  cadent.  Una  est  evangelii  ad  vitam  et  salutem  via:  una  fides  et