9:807  807  PBAEFATIONES.  808  les  monumentz  se  sont  ouverts,  et  plusieurs  corps  resuscitez.  Et  n'y  a  rien  eu  ne  au  ciel,  ne  en  la  terre,  qui  n'ayt  testifie  Iesus  Christ  estre  son  Dieu,  Seigneur  et  Maistre:  et  le  grand  Ambassadeur  du  pere  envoye  ca  bas  pour  faire  le  salut  des  humains*.  Toutes  ces  choses  nous  sont  annoncees,  demonstrees,  escrites,  et  signees  en  ce  Testament:  par  lequel  Iesus  Christ  nous  faict  ses  heritiers  au  royaume  de  Dieu  son  pere,  et  nous  declaire  son  vouloir  (comme  ung  testateur  a,  ses  heritiers)  pour  estre  mys  en  execution.  Or  nous  sommes  tous  appellez  a  cest  heritage  sans  acception  de  personnes,  masle  ou  femelle,  petit  ou  grand,  serviteur  ou  seigneur,  maistre  ou  disciple,  clerc  ou  laicz,  Ebrieu  ou  Grec,  Francoys  ou  Latin,  nul  n'en  n'est  reiecto  quiconque  par  certaine  fiance  recevra  ce  qui  luy  est  envoye,  embrassera  ce  qui  luy  est  presente,  bref  qui  recongnoistra  Iesus  Christ  pour  tel  qu'il  est  donne  du  pere.  Et  pourtant  tous  et  toutes  qui  portons  le  nom  de  Chrestiens  et  Chrestiennes,  nous  laisserons  nous  ravir,  cacher,  et  corrompre  ce  Testament?  lequel  si  iustement  nous  appartient,  sans  lequel  ne  povons  pretendre  aucun  droict  au  royaume  de  Dieu,  sans  lequel  nous  ignorons  les  grandz  biens  et  promesses  que  Iesus  Christ  nous  a  faictes,  la  gloire  et  la  beatitude  qu'il  nous  a  preparee?  Nous  ne  scavons  ce  que  Dieu  nous  a  commande  ou  defendu,  nous  ne  povons  discerner  le  bien.  d'avec  le  mal,  la  clairte  des  tenebres,  les  commandemens  de  Dieu  des  constitutions  des  hommes.  Sans  L'evangile  tous  sommes  inutiles  et  vains,  sans  L'evangile  nous  ne  sommes  Chrestiens,  sans  L'evangile  toute  richesse  est  paovreto,  sagesse"  est  folye  devant  Dieu,  force  est  foiblesse,  toute  iustice  humaine  est  damnee  de  Dieu.  Mais  par  la  cognoissance  de  L'evangile  nous  sommes  faictz  enfans  de  Dieu,  freres  de  Iesus  Christ,  combourgeoys  des  sainctz,  citoyens  du  royaume  des  cieulx,  heritiers  de  Dieu  avec  Iesus  Christ,  par  lequel  les  paovres  sont  faictz  riches,  les  foibles  puissans,  les  folz  sages,  les  pecheurs  iustiticz,  les  desolez  consolez,  les  doubteux  certains,  les  serfz  affranchis.  L'evangile  est  parolle  de  vie  et  verite.  C'est  la  puissance  de  Dieu  au  salut  de  tous  croyans.  Et  la  cie?  de  la  science  de  Dieu:  que  ouvre  la  porte  du  royaume  des  cieulx  aux  fideles,  les  desliant  de  pechez:  et  la  ferme  aux  incredules,  les  lyant  en  leurs  pechez.  Bienheureux  sont  tous  ceulx  qui  l'oyent  et  la  gardent.  Car  par  cela  ilz  monstrent  qu'ilz  sont  enfans  de  Dieu.  Malheureux  sont  ceulx  qui  no  la  veulent  ne  ouyr  ne  ensuyvre:  car  ilz  sont  enfans  du  diable.  O  Chrestiens  et  Chrestiennes,  entendez  icy  et  apprenez:  car  certes  l'ignorant  avec  son  ignorance  perira:  et  l'aveugle  suyvant  l'autre  aveugle  tombera  avec  luy  en  la  fosse.  Il  n'y  a  que  une  voye  a