9:806  etiam  angelo  statim  accessit  tot  aliorum  coniunctus  et  unanimis  concentus,  quum  illo  nativitatis  Domini  argumento  Gloriam  in  excelsis  Deo,  pacem  hominibus  in  terra  decantarent.  Nec  minus  Simeon  iustus  ille  in  spiritu  propheiico  Christum  fassus  est,  dum  passis  ulnis  adhuc  tenellum  in  templo  complexus,  excepit  his  verbis  ad  Dominum:  Nunc  dimittis  servum  tuum  Domine  secundum  verbum  tuum  in  pace,  quia  viderunt  oculi  mei  salutem  tuam,  quam  parasti  ante  faciem  omnium  populorum.  Perinde  etiam  Ioannes  Baptista  de  illo  testimonium  insigne  tum  maxime  edidit,  quum  ad  Iordanem  illum  intuens,  Ecce,  inquit,  agnus  ille  Dei:  ecce  qui  tollit  peccatum  mundi.  Hoc  ipsum  deinde  tum  Petrus,  tum  alii  omnes  apostoli  s'assiet  testati  sunt,  et  aperte  praedicarunt:  impleta  esse  nimirum  in  Christo  Dei  filio  illa  omnia,  quae  de  illo  exstarent  apud  prophetas,  atque  ad  nostram  salutem  pertinerent.  Atque  hoc  ipsum  testimonium  per  universas  gentes  ab  ipsis  omnium  nationum  et  conditionum  hominibus,  quos  ad  illud  excitare  Domino  placuit,  constanter  etiam  editum  atque  confirmatum  est  ad  ista  usque  tempora,  uti  ex  lectione  autorum  facile  cuivis  constabit.  Quae  quidem  omnia  quum  eodem  plane  recidant,  atque  inter  se  omnino  conveniant,  evincitur  manifeste  contineri  illic  certissimam  veritatem  :  quum  ubi  falsum  subest,  perpetuus  ille  consensus  constare  non  ita  posset.  Et  tamen  praeter  illa  augustissima  testimonia,  Patris  ipsius,  filii,  spiritus  sancti:  tum  deinde  angelorum,  prophetarum,  apostolorum  Christi  Domini,  ipsa  etiam  illius  opera,  ipsae  virtutes  incomparabiles  veritatem  illius  non  minus  aperte  oculis  subiecerunt.  Quid  enim  quod  nullo  non  morborum  genere  afflictos  restituit?  quod  claudos,  caecos,  surdos,  mutos,  paralyticos,  leprosos,  lunaticos,  daemoniacos  sanavit,  quod  mortuos  revocavit  in  vitam?  Quis  vero  legitimos  etiam  illos  virtutis  ipsius  ac  bonitatis  praecones  ac  testes  necessarios  elevabit?  Quid  quod  sua  ipsius  potestate  sibi  ipsi  vitam  reddidit,  quod  peccata  remisit?  Quare  non  immerito  ad  sua  illa  opera  Iudaeos  relegabat  quae  a  pat*6  accepisset,  ut  quae  de  ipso  verissime  testarentur.  Quid  quod  ipsis  etiam  impiis,  atque  ipsius  osoribus  certissimis,  vis  ipsa  veritatis  testimonium  aliquod  maiestatis  ipsius  expressit,  ut  de  Caiapha,  de  Pilato,  de  ipsius  uxore,  et  aliis  etiam  constat?  Non  attingo  daemonum  etiam  extortas  confessiones,  quas  nempe  Dominus  ipse  repudiarit.  Ipsa  vero  rerum  universitas  huius  quoque  laudis  partem  quam  semel  edidit,  conferat.  Iubente  Christo  venti  ponunt,  mare  commotum  placidum  redditur,  os  piscis  didrachma  profert,  illum  morientem  diffractae  petrae  ac  monumenta,  illum  diffissum  a  summo  in  ipso  templo  velum,  illum  obscuratus  sol,  illum  sepulcra  reclusa,  illum  resurrecta  mor-  51*