9:805  805  PRAEFATIONES.  806  qui  estoit  Christ  Ie  Seigneur.  Et  non  seulement  fut  apporte  par  ung  ange  ce  message  :  mais  approuve  par  grande  multitude  des  Anges,  qui  tous  ensemble  rendirent  gloire  au  Seigneur,  et  annoncerent  paix  -en  terre.  Simeon  le  iuste  en  esperit  prophctieque  l'a  haultement  confesse.  Car  tenant  entre  ses  bras  le  petit  enfant,  a  dict:  Maintenant  Seigneur  tu  laisse  ton  serviteur  en  paix  selon  ta  parolle.  Car  mes  yeulx  ont  veu  ton  salutaire:  lequel  tu  as  prepare  devant  la  face  de  tous  peuples.  Iehan  baptiste  en  a  parle  aussi  comme  il  appartenoit,  Quand  le  voyant  venir  au  fleuve  Iordan  il  dict:  Voicy  l'aigneau  de  Dieu,  voicy  celuy  qui  oste  les  pechez  du  monde.  Pierre  et  tous  les  apostres  ont  confesse,  tesmoingne,  presche,  toutes  choses  appartenantes  a  salut,  et  predictes  par  les  prophetes  estre  faictes  en  Christ  vray  filz  de  Dieu.  Et  ceulx  que  le  Seigneur  avoit  ordonne  pour  estre  tesmoings  iusque  a  nostre  eage,  Tont  par  leurs  escritz  amplement  demonstre,  comme  les  lecteurs  le  pourront  assez  appercevoir.  Tous  ces  tesmoingnages  conviennent  si  bien  en  ung,  et  accordent  tellement  ensemble:  que  par  tel  accord  il  est  facile  a  congnoistre  que  c'est  trescertaine  verite.  Car  en  mensonge  n'y  pourroit  avoir  ung  tel  consentement.  Toutesfois  non  seulement  le  pere,  le  filz,  le  sainct  esperit,  les  anges,  les  prophetes,  et  apostres  rendent  tesmoignage  de  Iesus  Christ:  mais  encore  ses  oeuvres  merveilleuses  demonstrent  sa  vertu  tresexcellente.  Malades,  boiteux  aveugles,  sourdz,  muetz,  paralytiques,  ladres,  lunatiques,  demoniacques,  voire  les  mortz  par  luy  resuscitez  en  ont  porte  les  enseignes.  En  sa  vertu  il  e'est  suscite,  en  son  nom  il  a  remis  les  pechez.  Et  pourtant  il  ne  disoit  sans  cause  que  les  oeuvres  que  son  pere  luy  avoit  donne  a  faire,  luy  estoient  assez  bons  tesmoings.  En  oultre  les  mauvais  mesmes  et  enemys  de  sa  gloire  ont  este  contreinctz  par  la  force  de  verite  d'en  confesser  et  recognoistre  quelque  chose:  comme  Cayphe,  Pilate  et  sa  femme.  Ie  ne  vueil  amener  les  tesmoingnages  des  diables  et  esperitz  immundes:  veu  que  Iesus  Christ  les  a  reiecte.  En  somme  tous  les  elementz,  et  toutes  les  creatures  ont  donne  gloire  a  Iesus  Christ.  A  son  commandement  les  ventz  ont  cesse,  la  mer  esmeue  s'est  appaisee,  le  poisson  en  son  ventre  a  apporte  le  didrachme,  les  pierres  (pour  luy  rendre  tesmoingnage)  se  sont  brisees,  le  voile  du  temple  s'est  fendu  par  le  miliieu,  le  soleil  s'est  obscurcy,