8:805  805  DE  SERVET.  806  1.  que  les  ames  estiont  mortelles  et  aussi  2.  que  Iesu  Christ  navoyt  prins  de  la  vierge  Maria,  que  la  quatriesme  partie  de  son  corps.  Ce  sont  choses  horribles  et  execrables.  En  toutes  les  aultres  heresies  et  en  tous  les  aultres  crimes,  ne  a  poynt  si  grand,  que  de  faire  lame  mortelle.  Car  a  tous  les  aultres  il  y  a  sperance  de  salut  et  non  poynt  a  cestui  cy.  Qui  dict  cela  ne  croyt  poynt  quil  y  aye  Dieu,  ni  iustice,  ni  resurrection,  ni  Iesu  Christ,  ni  saincte  escriture,  ni  rien:  si  non  que  tout  e  mort,  et  que  home  et  beste  soyt  tout  un.  Si  iaves  dict  cela,  non  seul  emant  dict,  mays  escript  publicamant,  pour  enfecir  le  monde,  ie  me  condemnares  moy  mesme  a  mort.  Pour  quoy,  messeigneurs,  ie  demande  que  mon  faulx  accusateur  soyt  puni  poena  talionis:  et  que  soyt  detenu  prisonier  comme  moy,  iusques  a  ce  que  la  cause  soyt  diffinie  pour  mort  de  luy  ou  de  moy  ou  aultre  poine.  Et  pour  ce  faire  ie  me  inseris  contra  luy  a  la  dicte  poine  de  talion.  Et  suys  content  de  morir,  si  non  est  convencu,  tant  de  cecy,  que  daultres  choses,  que  ie  luy  mettre  dessus.  Ie  vous  demande  iustice,  messeigneurs,  iustice  iustice  iustice.  Faict  en  vous  prisons  de  Geneve  le  22  de  septembre  1553.  Michel  Servetus  en  sa  cause  propre.  Articles  sur  lesquelz  Michel  Servetus  demande  que  Iehan  Calvin  soyt  interroge.  1.  Si  le  moys  de  mars  dernier  passe  fit  escrire  par  Guillaume  Tria  a  Lyon,  disant  tout  plein  de  choses  de  Michel  Villanovanus,  dict  Servetus.  Quel  estoyt  le  contenu  de  la  lettre  et  pour  quoy.2  .  Si  aveque  la  dicte  lettre  envoya  la  moytie  du  primier  quayer  du  livre  dudict  Servetus,  ou  estoyt  le  titre,  et  indice  ou  table  et  quelque  commancamant  du  dict  livre,  intitule  Christianismi  restitutio.  3.  Si  tout  cela  ne  fut  envoye,  pour  le  faire  voyr  aux  officiaulx  de  Lyon,  pour  faire  accuser  le  dict  Servetus,  comme  le  effect  sen  suyvit.  4.  Si  euviron  quinze  iours  apres  la  dicte  lettre,  envoya  derechef  par  le  mesme  Tria  plus  de  vingt  epistres  en  latin,  que  le  dict  Servetus  luy  havoyt  escrit:  et  les  envoya  comme  les  aultres  de  par  de  la  luy  demandiont,  afin  que  plus  seurement  le  dict  Servetus  fut  accuse  et  convencu,  comme  le  faict  sen  suyvit.  5.  Si  apres  na  entendu,  que  pour  la  dicte  accusation  le  dict  Servetus  a  este  brusle  en  effigie,