9:803  803  PRAEFATIONES.  804  Et.se  nomme  le  dict  livre  Nouveau  Testament  au  regard  du  Vieil:  lequel  entant  qu'il  se  devoit  reduyre  et  rapporter  a  cestuy  cy,  estoit  en  soymesme  infirme  et  imparfaict,  et  pourtant  a  este  aboly  et  abrogue.  Mais  cestuy  cy  est  le  Nouveau  et  eternel,  qui  ne  envieillira  et  ne  fauldra  iamais,  puis  que  Iesus  Christ  en  a  este  le  Mediateur:  qui  Ta  ratifie  et  conferme  par  sa  mort,  en  laquelle  il  a  accomply  pleniere  et  entiere  remission  de  toutes  prevarications,  qui  demouroient  soubz  le  premier  Testament.  L'escripture  aussi  l'appelle  Evangile,  c'est  a  dire  Bonne  nouvelle  et  ioyeuse:  pourtant  que  en  iceluy  est  declaire  que  Christ  seul  naturel  et  eternel  filz  de  Dieu  vivant,  a  este  faict  homme,  pour  nous  faire  enfans  de  Dieu  son  pere,  par  adoption.  Et  ainsi  nous  est  seul  Sauveur,  auquel  entierement  gist  nostre  redemption,  paix,  iustice,  sanctification,  salut  et  vie  :  qui  est  mort  pour  noz  pechez,  resuscite  pour  nostre  iustification,  qui  est  monte  au  ciel  pour  nous  y  faire  entree,  prendre  possession  pour  nous  et  en  nostre  nom.  Et  pour  tousiours  assister  devant  son  pere  comme  nostre  advocat  et  sacrificateur  perpetuel:  qui  sied  a  sa  dextre  comme  Roy,  constitue  Seigneur  et  Maistre  sur  tout:  affin  de  reparer  toutes  choses  au  ciel  et  en  la  terre.  Ce  que  tous  les  Anges,  Patriarches,  Prophetes,  Apostres,  n'eussent  iamais  peu  ne  sceu  faire.  Car  a  cela  n'estoient  ordonnez  de  Dieu.  Et  comme  le  Messiah  avoit  tant  de  foys  este  promis  au  Vieil  Testament,  par  plusieurs  tesmoingnages  des  Prophetes  :  Aussi  Iesus  Christ  a  este  par  certains  et  indubitables  tesmoingnages  declaire  estre  celuy  sans  autre,  qui  estoit  a  venir,  et  qui  estoit  attendu.  Car  le  Seigneur  Dieu  par  sa  voix  et  son  esperit,  par  ses  Anges,  Prophetes,  et  Apostres,  voire  par  toutes  ses  creatures,  nous  en  a  rendu  si  suffisamment  certains:  que  nul  n'y  pourroit  contredire,  sans  resister  et  se  rebeller  contre  sa  puissance.  Premierement  Dieu  eternel  par  sa  voix  mesme  (qui  est  sans  quelque  doubte  verite  irrevocable)  nous  en  a  testifie,  disant:  Voicy  mon  filz  bien  ayme  auquel  iay  pris  mon  bon  plaisir,  escoutez  le.  Le  sainct  esperit  nous  en  est  grand  tesmoing  en  noz  coeurs,  comme  dit  sainct  Iehan.  L'ange  Gabriel  envoye  a  la  vierge  Marie  luy  a  dit  :  Voicy,  tu  concevras  en  ton  ventre,  et  enfanteras  ung  filz,  et  appelleras  son  nom  Iesus.  Car  iceluy  sera  grand,  et  s'appellera  filz  du  treshault.  Et  le  Seigneur  Dieu  luy  donnera  le  siege  de  David  son  pere,  et  regnera  en  la  maison  de  Iakob  eternellement:  et  n'y  aura  nulle  fin  en  son  royaume.  Ce  mesme  message  en  substance  fut  faict  a  Ioseph.  Apres  aussi  aux  pasteurs,  ausquelz  il  fut  dict  que  le  Sauveur  estoit  nay,