9:802  utcunque  iam  tum  animis  per  fidem  praeciperent  quod  ipsis  oculis  percipere  nondum  daretur.  Eodem  vero  pertinebat  lex  illa  scripto  ipsis  data,  qua  tot  et  tam  variae  caerimoniae  expiationes  sacrificia  tradebantur,  ut  totidem  figurae  et  adurnbrationes  rerum  meliorum,  quae  a  Christo  atferendae  essent,  qui  ipse  esset  umbrarum  eiusmodi  corpus  substantia  veritas.  Si  quidem  lex  nihil  adduxit  ad  perfectionem,  tantum  instar  paedagogi  dirigebat  ac  deducebat  ad  Christum  qui  legis  ipsius  finis  est  et  complementum,  ut  tradit  apostolus.  Eodem  etiam  referendum,  quod  diversis  temporibus  ac  vicibus  excitati  sunt  a  Domino  duces,  reges  ac  iudices,  qui  Israelem  ab  hostium  iugo  liberarent,  in  bona  pace  regerent,  ruinas  sarcirent,  cumulate  prosperarent,  ac  non  vulgarium  virtutum  nomine  apud  reliquos  populos  extollerent.  Sic  nempe  gustum  aliquem  fovere  inter  suos  voluit  mirabilium  Messiae  exhibendi  operum  Dominus,  ut  in  co  exstatura  speraretur  solida  virtus  ipsius,  atque  felicissimi  regni  praesens  maiestas.  Tandem  igitur,  ubi  adfuit  plenum  illud  tempus  ac  dies  a  Domino  praeordinata,  adstitit  coram  Messias  ille  tot  retro  saeculis  exoptatissimus  :  atque  idem  illa  omnia  cumulate  praestitit,  quae  erant  ad  omnium  redemptionem  necessaria.  Neque  vero  intra  unum  Israelem  tantum  illud  beneficium  stetit,  quum  potius  ad  universum  humanum  genus  usque  porrigendum  esset:  quia  per  unum  Christum  universum  humanum  genus  reconciliandum  erat  Deo,  uti  his  Novi  Foederis  tabulis  continetur,  et  amplissime  demonstratur  1).  1)  Hinc  textus  latinus  sic  decurrit,  ricentiori  formae  gallici  omnino  consonus,  imo,  nisi  omnia  nos  fallunt,  pro  eiusdem  fonte  habendus  :  Atque  ut  huius  Dei  beneplaciti  plena  fides  et  perpetua  exstaret,  Dominus  Iesus  ipse,  qui  foederis  istius  sponsor  est  atque  ipsamet  illius  substantia,  apostolos  sibi  designavit,  quibus  hoc  munus  mandavit,  ut  ipsius  beneficium  per  orbem  universum  praedicarent.  Ipsi  vero  non  tantum  dederunt  omnem  operam  ut  mandatum  Domini  praestarent,  dum  verbo  et  voce  testimonium  ipsius  circum  ferrent,  sed  etiam  Mosis  et  prophetarum  exemplo  eandem  illam  doctrinam,  ad  perpetuam  et  indubitatam  ipsius  perceptionem,  in  hos  libros  contulerunt.  Horum  autem  haec  summa  est,  quod  primum  quidem  traditum  est  ab  illis,  tum  quid  fecerit  et  quae  passus  sit  pro  nobis  Dominus,  tum  vero  quis  istius  veritatis  usus  ac  fructus  ad  nos  perveniret,  ac  quomodo  nobis  applicandus  esset.  Atque  ete.  51