9:800  hamum  renovavit,  quod  in  ipsius  semine  benedicendae  essent  omnes  gentes.  Sic  nempe  praenunciabatur  idem  Christus  exoriturus  ex  Abrahamo,  a  cuius  benedictione  ad  universas  gentes  sanctificatio  emanaret.  Sic  cum  Isaaco  egit  Dominus.  Sic  continuis  saeculis  eadem  promissio  ex  ore  prophetarum  apud  Israelitas  audita,  repetita,  confirmata  est.  Quod  ut  certius  esset,  et  iam  quasi  oculis  subiiceretur^  ipsas  usque  nascituri  Christi  peculiares  notas:  matrem  videlicet,  locum,  tempus,  mortem  ipsius  ac  resur*  rection  is  gloriam,  regnum  mox  sequuturum,  et  quae  spes  inde  piorum  exsistere  deberet,  Dominus  ipse  praesignavit.  Nam  de  matre  quidem  eademque  virgine  exstabat  insignis  ille  locus  apud  Isaiam:  Ecce  virgo  concipiet  et  pariet  filium,  et  vocabis  nomen  eius  Immanuel.  Apud  Mosen  vero  tempus  a  Iacobo  ipso  animam  agente  notatum  diserte  fuerat:  Non  auferetur  sceptrum  de  Iuda,  neque  dux  de  femore  eius,  donec  veniat  qui  mittendus  est:  et  ipse  erit  exspeetatio  gentium.  Hoc  autem  re  ipsa  constitit  sub  illud  tempus,  quo  natus  est  Dominus.  Iam  enim  triginta  septem  anni  circiter  elapsi  erant,  ex  quo  Iudaeis  mero  illo  ac  supremo  imperio  spoliatis,  Romani  Herodem  Idumaeum  ex  patre,  ex  matre  Arabem  regem  constituerant  :  quum  nunquam  prius  antea  res  Iudaeorum  ita  concidissent,  quin,  si  ex  sua  gente  regem  non  haberent,  ex  eadem  tamen  praefectos  saltem  ac  rectores  et  consiliarios  quosdam  retinerent.  Apud  Danielem  vero  tempus  idem  nascituri  Christi  post  certas  hebdomadum  periodos  dispunctum  exstabat.  Natalis  locus  etiam  apud  Michaeam  aperte  signatus  erat  his  verbis:  Et  tu  Bethlehem  Ephrata,  minima  non  es  in  millibus  Iuda,  ex  te  enim  egredietur  qui  dominabitur  in  Israele,  et  exitus  ipsius  a  diebus  aeternis.  Passiones  autem  et  quidquid  nostro  nomine,  ut  perfectum  mediatorem  praestaret,  Dominus  ipse  subiturus  erat,  Isaias  et  Zacharias  aperte  et  indubitate  praedixerant:  iidemque  cum  Ieremia  luculenti  testes  exstiterant  tam  gloriosae  ipsius  resurrectionis,  quam  venturi  regni,  et  salutis  omnibus  piis  afferendae.  Atque  illa  tot  testimonia  et  denunciationes  sanctorum  Dei  hominum,  fulcra  demum  et  statumina  fidei  patrum  exstiterunt:  sic  ipsi  erexerunt  et  confirmarunt  se  ipsos,  ac  quodammodo  paverunt  certissima  illa  spe  atque  exspectatione  tantae  redemptionis,  a  Domino  tempore  suo  exhibendae.  Unde  etiam  prae  summo  illo  desiderii  ardore,  plerique  iam  olim  reges  et  prophetae  contentis  oculis  diem  illum  sibi  praesentem  adesse  expetiverant,