9:80  ut  salva  nobis  maneat  corporis  veritas  qualia  in  scriptura  asseritur.  Corpus  vero,  etiamsi  supra  coelos  evectum  a  communi  naturae  ordine  immune  sit,  non  tamen  verum  esse  corpus  desinit,  et  terrenis  qualitatibus  [pag.  78]  exutum,  quod  tamen  substantiae  proprium  est  retinet.  Iniuste  ergo  Westphalus  ex  philosophiae  dictatis  nos  magis  pendere  insimulat,  quam  ex  verbo  Dei.  Ego  autem  meo  iure  ipsum  admoneo,  ut  suae  pervicaciae  valedicens,  de  genuino  verbi  Dei  sensu  doceri  so  sustineat.  Alioqui  valeat  ipse  cum  suo  phantasmate,  quod  in  Christi  verbis  perperam  comminiscitur.  Quintum  caput  est  de  transfusione  substantiae,l)  ubi  suo  more  praefatur  pro  somnio  me  habere  ecclesiae  fidem.  Miror  autem  cur  non  saltem  a  Luthero,  quem  ubique  sibi  magistrum  iactat,  didicerit  ecclesiae  nomen  parcius  et  modestius  obtendere.  Neminem  enim  ex  papistis  hactenus  video  protervius  et  magis  effraeni  audacia  fuisse  ecclesiae  titulo  abusum.  Ego  quidem  interrogo,  non  stomachose  sed  optima  ratione,  sitne  somniandum,  Christi  substantiam  in  nos  transfundi,  ut  sordibus  nostris  inquinetur.  2)  Ieiunus  hic  rhetor,3)  qui  mihi  sine  colore  ullo  stomachum  exprobrat,  graviter  excandescit,  ac  si  mea  somnia  in  ipsum  transferrem.  Ego  vero  nec  eum  privatim,  nec  eius  catervam  adeo  suspicione  gravare  volui,  ut  magis  propositum  [pag.  79]  fuerit  quidquid  suspicionis  in  ambiguis  eius  verbis  haerebat  discutere.  Ac  nunc  meo  exemplo  ostendam,  quanto  satius  sit  comiter  amplecti,  quae  recte  dicta  sunt,  quam  fastidiose,  ut  ipse  solet,  ac  sine  delectu  respuere.  Libenter  itaque  deposita  contentione,  quod  mihi  concedit  recipio,  Christi  carnem  neque  in  nos  transfundi,  neque  locari  in  pane,  neque  cum  pane  connecti.  Sepultae  per  me  maneant  huius  generis  loquutiones,  quas  tamen  falso  a  nobis  confictas  esse  conqueritur,  ad  deformandum  contrarium  dogma.  Utinam  ea  quam  simulat  verecundia  et  sobrietas,  in  eorum  libris  exstaret,  quibus  nihil  aliud  pensi  fuit,  quam  suum  figmentum  urgere,  in  pane  esse  Christi  corpus.  Sed  liberum  iam  sit  Westphalo  atque  integrum,  ex  intimo  suo  sensu  quidquid  libuerit  proferre.  Hoc  uno  se  contentum  respondet:  quia  sapientia  aeterni  patris  dari  corpus  affirmat,  praesentiam  corporis  in  coena  statui;  de  modo  praesentiae,  quia  incomprehensibilis  est,  se  non  inquirere.  Atqui  mihi  certa  est  ac  expedita  defensio,  ut  detur  Christi  corpus,  minime  tamen  requiri  praesentiam  :  quia  iam  ante  exposui,  quod  ex  locorum  distantia  obstaculum  ingeritur,  immensa  spiritus  virtute  superari.  Dari  corpus  [pag.  80]  1)  de  la  mixtion  de  la  substance  du  corps  de  Christ  avec  nous  comme  si  elle  decouloit  par  un  alambic.  2)  Ed.  princeps  male.  inquinemur.  3)  ce  gentil  hareiigueur  morfondu.