8:80  bulonibus  istis  dicendum  restat,  quando  toties,  tam  graviter  et  copiose  a  nobis  refutati  sibi  tamen  adhuc  ecclesiae  titulum  arrogare  pergunt?  Dixi  [pag.  104]  initio  nullos  propemodum  hic  falli,  nisi  qui  ad  Christum  accedere  nolentes  sibi  procul  obstacula  accersunt.  Fuit  quidem  tempus,  quum  multas  simplices  ac  pias  animas  impediret  hic  scrupulus:  sed  hodie  paucos  sanae  doctrinae  scandalum  ex  nomine  ecclesiae  opponere  dico,  qui  non  malitiose  et  superbe  Christo  insultent.  Eiusdem  proterviae  est,  quod  miracula  flagitant,  quibus  obstupefacti  Deo  tandem  per  nos  loquenti  cedere  cogantur.  Ego  vero,  quum  doctrina  nostra  luculentum  sibi  testimonium  reddat,  miraculis  omnibus,  quae  ab  orbe  condito  exstiterunt,  se  fuisse  comprobatam,  istos  qui  veterum  miraculorum  obliti  novis  inhiant,  quum  ita  stupeant  in  aperta  Dei  virtute,  et  in  clara  luce  caecutiant,  non  minora  esse  portenta  dico,  quam  si  hominem  in  pecudem  versum  cerneremus.  Quoniam  sacris  opibus  ditati  sunt  nonnulli,  alii  famem  suam  utcunque  ad  tempus  sedarunt,  nos  praedandi  magis  cupidine,  quam  pio  Dei  zelo  ad  res  novandas  adductos  esse  iactant  evangelii  hostes  :  multi,  qui  praetextum  captant  repellendi  evangelii,  maledicis  istis  vocibus  assentiuntur.  Ego  vero,  si  qui  replendis  suis  crumenis  ecclesiae  bona  praedati  sunt,  non  excuso.  Et  libri  nostri,  quantopere  abhorreamus  ab  eiusmodi  sacrilegiis,  diserti  sunt  testes.  Verum,  ut  partis  nostrae  delictis,  si  qua  sunt,  patrocinium  meum  accommodare  animus  non  est:  ita  calumnia  non  est  ferenda,  quod  in  praedam  cessisse  malevoli  homines  criminantur,  quidquid  foedis  illis  gurgitibus,  hoc  est  sacrificis  Baal  et  monachis  ademptum  est.  Certe,  ex  quibus  locis  profligata  est  papatus  impietas,  illic  saltem  pars  eorum  redituum,  quos  scorta  et  lenones  cum  sacerdotibus1)  vorabant,  in  pauperes  erogatur:  aliquanto  plus  impenditur  in  scholas,  quam  fieri  solebat:  aluntur  veri  pastores,  qui  salutis  doctrinam  populo  ministrant;2)  [pag.  105]  sumptus  quoque  ad  tuendum  ecclesiae  statum  non  pauci  fiunt.  Quamvis  haec  nos  defensio  coram  Deo  non  absolvat  (quod  libere  quidem  confiteor)  maligne  tamen  scandalum  inde  congeri  adversus  evangelii  doctrinam  ostenditur.  At  palam  fieri  ostendunt,  quo  studio  impulsi  causam  hanc  aggressi  sumus:8)  quod  omnes  fere  in  privatis  rebus  curandis  occupati,  in  urgenda  disciplina,  corrigendis  vitiis,  augendo  et  tuendo  Christi  regno  torpent.  Cur  ergo  non  ardore  potius  suo  nos  calefaciunt,  quam  ipsi  congelascunt  ad  nostrum  frigus?  Legantur  de  templi  neglectu  1)  avec  ceste  vermine  de  prestraille.  2)  Add.  au  lieu  que  les  ennemis  mortels  de  Dieu  estoient  au  paravant  stipendiez  pour  sacrifier  a  Baal.  3)  nous  avons  este  meus  a  remuer  l'estat  de  la  Chrestiente.