7:80  sommes  loups  ravissans,  et  nous  ont  en  telle  abomination,  qu'ilz  penseroyent  avoir  offense  Dieu  mortellement,  d'avoir  ouy  un  sermon  de  nous.  Sur  cela  ilz  creent  des  ministres  a  la  haste,  pour  faire  separation  en  l'Eglise,  pour  distraire  le  peuple,  et  faire  une  assemblee  contraire  a  l'autre,  a  ce  que  le  nom  de  Dieu  ne  soit  point  invoque  en  unite  et  concorde,  comme  il  doit.  LE  SIXIESME  ARTICLE  DU  MAGISTRAT.  1)  [page  64]  Nous  sommes  d'accord  que  le  glaive  est  une  ordonnance  de  Dieu,  hors  la  perfection  de  Christ.  Ainsi  les  Princes  et  superieurs  du  monde  sont  ordonnez  pour  punir  les  mauvais,  et  les  mettre  a  mort  Mais  en  la  perfection  de  Christ,  V  excommunication  est  la  derniere  peine,  sans  mort  corporelle.  Refutation.2)  Or,  il  faut  noter  que  c'est  une  moderation  qu'ilz  ont  faicte,  pour  corriger  ce  qu'ilz  en  avoyent  dict  au  paravant,  apres  qu'ilz  ont  veu,  qu'a  cause  de  son  absurdite  iiz  estoyent  reiettes  de  tout  le  monde.  Car  ilz  ont  faict  cest  honneur  aux  principautez  et  Seigneuries,  de  les  tenir  comme  briganderies.  Mais  voyans  que  cela  ne  se  pouvoit  porter,  ilz  ont  advise  de  se  retracter  tout  doulcement,  usant  de  ceste  belle  couleur,  que  c'est  bien  une  ordonnance  de  Dieu,  que  domination  terrienne,  hors  la  perfection  de  Christ.  Or  par  cela  ilz  denotent,  que  c'est  un  estat  illicite  et  defendu  a  tous  Chrestiens:  comme  euxmesmes  l'exposent  puis  apres.  Nous  avons  donc  a  regarder  si  ce  sont  choses  incompatibles,  que  la  Chrestiente  [page  65]  et  estat  de  iustice  ou  superiorite  terrienne.  Tellement  qu'un  homme  pour  estre  l'un  soit  contrainct  de  renoncer  a  l'autre.  Pour  le  premier,  ie  demande  si  c'est  un  estat  repugnant  a  la  vocation  des  fideles,  d'exercer  l'office  du  glaive,  ou  de  la  superiorite  terrienne;3)  comment  c'est  que  les  iuges4)  en  l'ancien  Testament,  item,  les  bons  Roys,  comme  David,  Ezechias,  Iosias,  et  mesme  aucuns  des  Prophetes,  comme  Daniel,  en  ont  use?  De  dire  que  ce  ait  este  une  imperfection  vitieuse  en  eux,  il  n'y  a  nul  propos:  veu  que  le  sainct  Esprit  tesmoigne  des  iuges,  que  Dieu  les  a  suscitez  pour  delivrer  son  peuple:  singulierement,  cela  appert  en  Moyse,  lequel  ayant  1)  Article  VI.  Du  Magistrat.  1566  sum.  2)  Cette  rubrique  ne  se  trouve  point  dans  les  editions  de  1544  et  1545.  3)  principatu  aliave  dominatione  fungi.  4)  comme  les  luges  1611.