58:80  qu'il  vaudroit  beaucoup  mieux  estre  un  porceau,  ou  un  asne,  que  de  leur  ressembler.  Et  pourquoy?  Un  porceau  n'aura  que  ses  appetits  naturels:  quand  il  sera  bien  soul,  il  dormira,  ou  il  s'en  ira  veautrer  en  la  fange:  il  se  contente  de  cela.  Mais  les  hommes,  quelles  cupiditez  ont-ils?  Il  est  certain  qu'on  ne  sauroit  trouver  plus  grieve  torture,  pour  les  gehenner  plus  cruellement,  que  leurs  appetits  propres.  Ainsi  donc,  les  voila  en  inquietude  et  en  tonnent  perpetuel,  d'autant  qu'ils  ne  regardent  sinon  a  ceste  vie:  et  s'ils  vout  mourir,  tout  est  mort  pour  eux,  ce  leur  semble.  Ainsi,  nous  voions  en  tous  reprouvez  qu'ils  n'ont  nul  goust  de  la  vie  celeste.  Et  d'autant  plus  nous  faut  il  prier  Dieu,  qu'il  nous  ouvre  les  yeux,  afin  que  nous  regardions  tousiours  par  dessus  les  choses  presentes:  et  que  nous  nous  en  servions  tellement,  que  nous  n'y  soions  point  retenus.  Or  Iacob  ne  se  contente  point  qu'Esau  lui  vende  simplement  sa  primogeniture  :  mais  il  veut  avoir  le  serment.  Et  Esau  iure:  ce  lui  est  tout  un:  et  en  cela  voions  nous  comme  il  avoit  mis  Dieu  sous  les  piez.  Car  encore  que  la  famine  le  pressast  si  durement,  qu'il  fust  contraint  de  renoncer  a  sa  primogeniture,  quand  il  vient  a  iurer,  et  que  le  Nom  de  Dieu  est  la  mis  en  avant,  et  qu'il  proteste  que  Dieu  lui  soit  iuge,  qu'il  le  punisse,  s'il  est  pariure,  et  s'il  est  desloyal,  et  qu'il  ne  garde  sa  promesse:  quand  tout  cela  y  est,  et  qu'il  n'est  pas  mesme  ignorant  que  valoit  sa  primogeniture,  il  faut  bien  dire  que  le  diable  l'avoit  du  tout  aveugle.  Or  par  ceci  nous  sommes  admonnestez,  que  quand  nous  avons  commence  a  nous  esgarer  et  a  tourner  le  dos  a  Dieu,  d'autant  plus  nous  faudra-il  estre  endurcis  pour  n'avoir  nulle  apprehension  non  plus  que  bestes.  Et  quand  en  une  sorte  nous  avons  renonce  a  l'heritage  de  salut,  qu'il  nous  adviendra  d'y  renoncer  cent  et  mille  fois,  que  mesme  le  diable  trouvera  des  moiens  une  centaine  le  iour,  pour  nous  faire  plonger  en  un  gouffre  de  perdition,  dont  iamais  nous  ne  pourrons  sortir.  Voila  encore  ce  que  nous  avons  a  observer  sur  ce  passage:  mais  cependant  nous  avons  a  considerer  l'abstinence  de  Iacob.  Voici  un  exemple  du  vray  iusne,  et  non  pas  comme  les  Papistes  le  se  forgent.  Il  est  vray  que  les  iusnes  nous  sont  recommandez  en  l'escriture  saincte,  pour  diverses  raisons  :  car  c'est  pour  domter  nos  affections  charnelles,  qu'il  nous  faut  retrancher  nostre  boire  et  nostre  manger,  tellement  que  la  temperance  que  Dieu  requiert  de  nous,  est  comme  un  iusne  continuel,  pour  tout  le  temps  de  nostre  vie:  mais  quelquefois  encore  il  est  requis  de  diminuer  de  nostre  portion.  Et  pourquoy?  Afin  que  nous  soions  tant  mieux  disposez  a  prier.  Et  puis,  quand  nous  sommes  affligez,  il  n'est  pas  question  alors  de  banqueter  et  faire  grand  chere:  si  Dieu  nous  menace,  et  qu'il  nous  monstre  quelque  signe  de  son  ire,  comme  il  dit