56:80  anciens  serviteurs  de  l'hostel  de  Pharao,  et  tous  les  anciens  de  la  terre  d'Egypte.  8.  Et  toute  la  famille  de  Ioseph,  et  ses  freres,  et  la  famille  de  son  pere:  excepte  leurs  petis,  et  leurs  brebis,  et  leurs  beufs  qu'ils  laisserent  en  la  terre  de  Gosen.  9.  Et  monterent  aussi  avec  luy  chariots,  et  chevaucheurs,  et  y  eut  tresgrosse  bande.  10.  Et  parveinrent  iusqu'en  l'aire  d'Atad,  qui  est  outre  de  Iordain,  et  pleurerent  la  d'un  grand  pleur  et  mout  grief:  et  Ioseph  fit  plaints  de  son  pere  par  sept  iours.  l  l  .  Et  les  habitans  du  pays  des  Chananeens,  voyans  les  plaints  en  Paire  d'Atad,  dirant,  Ce  plaint  est  grief  aux  Egyptiens:  pource  son  nom  fut  appele  Abel-  Mizraim,  qui  est  outre  le  Iordain.  12.  Ses  fils  donc  luy  firent  ainsi  comme  il  leur  avoit  commande.  13.  Car  ses  fils  le  transporterent  en  la  terre  de  Chanaan,  et  l'ensevelirent  en  la  caverne  double  du  champ,  vis  a  vis  de  Mamre,  laquelle  Abraham  avoit  achetee  d'Ephron  Hethien,  avec  le  champ  pour  heritage  de  sepulchre.  14.  Apres  que  Ioseph  eut  enseveli  son  pere,  il  9'en  retourna  en  Egypte,  luy  et  ses  freres,  et  tous  ceux  qui  estoyent  montez  avec  luy  ensevelir  son  pere.  15.  Voyans  les  freres  de  Ioseph  que  leur  pere  estoit  mort,  ils  dirent,  Paraventure  Ioseph  nous  aura  en  haine,  et  nous  rendra  tout  le  mal  que  nous  luy  avons  fait.  16.  Parquoy  ils  manderent  a  Ioseph,  disant,  Ton  pere  avoit  commande  devant  qu'il  mourust,  disant,  17.  Vous  direz  ainsi  a,  Ioseph,  Ie  te  prie  pardonne  maintenant  le  forfait  a  tes  freres,  et  leur  peche,  en  ce  qu'ils  t'ont  rendu  le  mal:  or  maintenant,  ie  te  supplie  pardonne  au  forfait  des  serviteurs  du  Dieu  de  ton  pere.  Mais  Ioseph  pleura  quand  on  parla  a  luy.  18.  Aussi  ses  freres  y  allerent,  et  se  ietterent  devant  luy,  disans,  Voici,  nous  te  sommes  serviteurs.  19.  Et  Ioseph  leur  respondit,  Ne  creignez  point:  suis-ie  au  lieu  de  Dieu?  20.  Vous  aviez  propose  mal  sur  moy,  mais  Dieu  l'a  dispose  en  bien  pour  faire  selon  que  ce  iour-ci  le  monstre,  afin  de  faire  vivre  un  gros  peuple.  21.  Ainsi,  n'ayez  crainte  maintenant:  moy-mesme  ie  vous  nourriray,  et  vostre  mesgnie.  Et  il  les  consola,  et  parla  a.  eux  amiablement.  22.  Ioseph  donc  habita  en  Egypte,  luy  et  la  famille  de  son  pere:  et  vesquit  cent  et  dix  ans.  23.  Et  veit  les  enfans  d'Ephraim  iusqu'a  la  tierce  generation:  aussi  les  enfans  de  Machir,  fils  de  Manasse,  nasquirent  sur  les  genoux  de  Ioseph.  24.  Or  Ioseph  dit  a  ses  freres,  Ie  me  meure,  et  Dieu  vous  visitera,  et  vous  fera  remonter  de  ceste  terre,  en  la  terre  qu'il  a  iure  a  Abraham,  Isaac  et  Iacob.  25.  Et  Ioseph  fit  iurer  les  fils  d'Israel,  et  leur  dit,  Dieu  vous  visitera,  or  transportez  mes  os  d'ici.  26.  Puis  Ioseph,  aage  de  cent  dix  ans,  mourut:  et  l'embaumerent,  et  fut  mis  dedans  un  sarcueil  en  Egypte.