54:80  qu'il  faut  que  toute  hautesse  des  hommes  soit  abbaissee,  et  que  Dieu  seul  soit  exalte,  et  qu'on  l'adore,  et  que  Satan  en  despit  qu'il  en  ait,  ploye  le  genouil  devant  luy  avec  tous  ses  supposts.  Voila  comme  il  nous  en  faut  faire.  Or  maintenant  nous  voyons  quelle  est  l'ingratitude  du  monde.  Car  (comme  i'ay  desia  touche)  il  y  en  a  beaucoup  qui  pensent  avoir  honneste  couverture  de  renoncer  Iesus  Christ  et  son  Evangile,  quand  ils  auront  des  exemples  de  ceux  qui  ont  fait  le  semblable,  et  mesmes  ils  cerchent  telles  occasions.  Comme  nous  en  verrons  qui  Bont  au  guet:  s'ils  voyent  que  l'Evangile  se  recule,  qu'il  y  ait  quelque  trouble,  Ho,  voila,  on  voyoit  bien  que  ceci  ne  seroit  point  de  tenue.  Comme  quand  il  y  a  quelque  ville  qui  s'est  revoltee,  ou  bien  que  par  tyrannie  et  par  violence  l'Evangile  aura  este  opprime,  on  voit  que  beaucoup  en  sont  bien  aises,  lesquels  auparavant  avoyent  fait  semblant  de  croire  a  l'Evangile,  et  leur  a  semble  qu'ils  pouvoyent  quitter  Iesus  Christ.  Et  tout  cela  se  rassemble,  que  telles  gens  ont  bonne  memoire:  On  a  veu  que  l'Evangile  estoit  advance,  il  y  a  eu  telle  apparence  qu'on  pensoit  que  tout  deust  florir,  et  voila  une  ville  qui  est  maintenant  toute  changee,  voila  un  tel  peuple,  voila  un  Prince  qui  s'est  destourne,  voila  un  Royaume  ou  on  ne  voit  que  desolation.  Quand  telles  gens  auront  tout  allegue,  si  est-ce  que  Dieu  ne  perdra  point  sa  cause.  Mais  le  tout  est  que  de  nostre  part  nous  apprenions  de  persister  constamment  au  milieu  de  toutes  les  ruines  que  le  diable  tasche  de  faire:  quand  nous  verrons  tout  le  monde  confus,  que  les  provinces  et  regions  viendront  a  tourner  bride,  que  nous  ne  laissions  point  de  poursuyvre  nostre  train.  Et  pourquoy?  Car  Dieu  ne  change  point.  Mais  au  reste,  notons  bien  ce  qui  est  dit  de  la  grandeur  des  nommes.  Et  c'est  merveilles  qu'auiourd'huy  Dieu  soit  si  peu  prise.  Car  il  n'est  point  question  d'avoir  gens  de  grande  estoffe  ni  qualite  pour  amoindrir  l'authorite  de  l'Evangile:  on  prendra  des  marmailles  qui  ne  sont  rien,  il  ne  faudra  que  quelque  belistre  seulement  qui  s'eleve,  un  homme  sans  propos  ne  raison,  Ho,  voila  un  tel  qui  commence  a  decliner.  Et  qui  est-il?  Une  pure  beste:  comme  nous  en  voyons  par  trop  les  exemples.  Or  quand  ce  seroyent  des  anges  de  paradis,  nous  scavons  qu'il  nous  les  faudroit  maudire,  s'il  leur  advenoit  de  se  revolter  contre  l'Evangile:  non  pas  qu'il  se  puisse  faire:  mais  sainct  Paul  ne  peut  assez  magnifier  la  verite  de  Dieu,  s'il  n'use  de  ceste  similitude-la  :  c'est  ascavoir  que  tant  s'en  faut  que  par  l'authorite  des  hommes  nous  devions  estre  divertis  du  bien,  que  si  les  anges  venoyent  a  s'elever,  nous  les  pouvons  tenir  pour  des  diables.  Or  c'est  bien  arriere  que  nous  authorisons  la  doctrine  laquelle  nous  doit  estre  certaine  et  infallible,  despitans  tous  les  ennemis