51:80  Dieu  quand  elle  nous  est  prechee,  que  ce  soit  toute  nostre  sagesse,  que  ce  soit  tout  nostre  conseil,  comme  il  est  dit  au  Psaume  119,  que  les  conseilliers  d'un  homme  fidele  ce  sont  les  commandemens  de  Dieu.  Quand  un  ieune  homme  seroit  prest  d'estre  desbauche,  s'il  a  un  gouverneur  qui  le  tienne  en  bride,  encores  sera-il  retenu.  Or  il  est  vray  que  Satan  a  beaucoup  d'allechemens  pour  nous  corrompre,  il  en  a  des  moyens  et  des  occasions  infinies:  mais  Dieu  nous  donnera  conseil  par  sa  grace:  il  nous  met  audevant  sa  parole:  c'est  donc  bien  raison  qu'il  ait  cest  avantage  qu'on  Fescoute  et  qu'on  se  renge  a  luy:  car  que  sera-ce  quand  nous  aurons  mis  cent  mille  fois  en  avant  que  nous  avons  hulle  avec  les  loups.  C'est  autant  comme  si  noue  disions,  O  voila,  Dieu  ne  nous  a  pas  tant  este  que  les  hommes:  nous  avons  prefere  le  monde  qui  nous  desbauchoit,  et  nous  sommes  alienez  de  tout  bien.  Y  a  il  excuse  raisonnable?  N'est-ce  pas  autant  comme  si  on  luy  crachoit  au  visage,  pour  dire  qu'il  soit  recule  et  mis  en  arriere,  et  que  les  hommes  ayent  toute  la  vogue  envers  nous,  et  qu'il  sale  faire  comme  eux,  et  nous  y  conformer?  Voila  en  somme  l'usage  que  nous  doit  auiourd'huy  apporter  ceste  doctrine  de  sainct  Paul:  et  c'est  aussi  pourquoy  il  adiouste,  que  chacun  portera  son  fardeau:  comme  s'il  disoit  que  chacun  sera  bien  empesche  pour  soy,  sans  qu'il  puisse  aider  a  son  compagnon.  Il  est  vray  que  ceste  sentence  se  peut  appliquer  a  beaucoup  d'usages,  voire  sans  destourner  les  mots  du  vray  sens  et  naturel  de  sainct  Paul:  car  si  on  amene  ceste  raison  au  propos  general,  chacun  portera  son  fardeau  devant  Dieu:  il  use  du  mot  de  Fardeau  pour  couper  broche  a  toutes  excuses,  a  fin  que  les  hommes  ne  cuident  point  que  tous  leurs  subterfuges  et  eschappatoires  leur  valent  rien  :  et  ceci  est  bien  a  noter  :  car  nous  voyons  l'audace  qui  est  en  nous:  nous  aurions  honte  de  plaider  contre  des  creatures,  comme  nous  faisons  contre  nostre  Dieu:  et  qu'ainsi  soit,  si  Dieu  nous  presse,  iusques  a  ce  que  nous  soyons  plus  que  convaincus,  il  y  aura  tousiours  des  repliques  et  des  murmures.  Voila  donc  pourquoy  sainct  Paul  met  ce  mot  de  Fardeau,  comme  s'il  disoit,  que  nous  ne  pouvons  pas  accuser  Dieu,  et  qu'en  repliquant  nous  ne  gagnons  rien.  Et  pourquoy?  Car  h,  condamnation  qui  nous  presse  dont  procede-elle?  est-ce  que  Dieu  desploye  son  bras  pour  nous  faire  sentir  sa  vertu  en  nous  abysmant?  Nenni,  mais  chacun  portera  son  fardeau.  Or  il  est  bien  vray  que  l'ire  de  Dieu  est  accomparee  a  un  feu  ardent  et  qui  consume  tout:  mais  cependant  dont  procede  le  bois  du  feu  qui  nous  consume?  Qui  est-ce  qui  l'allume,  et  qui  l'entretient?  Ce  sommes-nous,  et  nos  pechez  sont  comme  le  bois,  nos  meschantes  cupiditez