50:80  haec  metaphora,  per  cor  angustum  et  contractum  significari  vel  moerorem,  vel  taedium,  vel  indignationem:  cui  cor  diffusum  opponitur  pro  contrariis  affectibus.  Nihil  ergo  hic  dicit  Paulus,  quod  noa  quotidie  experiamur.  Nam  ubi  nobis  est  cum  amicis  negotium,  cor  nostrum  se  diffundit,  patent  omnes  sensus,  nihil  illic  tectum,  nihil  clausum:  imo  animus  ipse  totus  exsilit  ac  gestit  se  palam  exponere.  Hinc  fit  ut  libera  etiam  et  expedita  sit  lingua,  non  haesitet,  non  difficulter  extrahat  ex  imo  gutture  interruptas  voces:  ut  fieri  solet  quum  animus  occupatus  est  minus  laeto  affectu.  12.  Non  estis  angusti  in  nobis.  Hoc  est,  quod  non  estis  capaces  huius  meae  erga  vos  hilaritatis,  vestra  culpa  accidit.  Os  mihi  apertum  est,  ut  familiariter  agam  vobiscum:  ipse  sensus  meus  libenter  se  profunderet,  sed  clauditis  ipsi  vestra  viscera.  Vult  dicere,  corrupto  eorum  iudicio  fieri  quominus  illis  sapiant,  quae  a  se  proficiscuntur.  13.  Eandem  vero  remunerationem.  Temperat  reprehensionem  tam  blanda  filiorum  appellatione,  quam  hac  exhortatione,  qua  se  bene  adhuc  de  illis  sperare  innuit.  Eandem  remunerationem  accipit  pro  mutuo  officio.  Est  enim  inter  patrem  et  liberos  mutua  officii  repensio.  Nam  sicuti  parentum  est  alere  liberos,  instituere,  regere  consilio3  tueri:  ita  aequitas  hoc  dictat,  ut  filii  gratiam  parentibus  rependant.  In  summa,  avxtTieXapyiav,  quam  vocant  Graeci,  intelligit.  Ego,  inquit,  paternum  erga  vos  affectum  gero:  vos  mihi  vicissim  pietate  et  reverentia  praestate  filios.  Quamquam  specialis  circumstantia  notanda  est:  ut  Corinthii,  tam  humanum  patrem  nacti,  vicissim  quoque  mansuescant,  eiusque  comitatem  docilitate  sua  compensent,  ideo  iubet  eos  in  suis  visceribus  dilatari.  Vetus  interpres,  quia  non  assequebatur  Pauli  mentem,  addito  participio  habentes,  suum  magis  quam  Pauli  sensum  expressit.  In  nostra  autem  expositione  (quae  etiam  Chrysostomi  est)  nihil  est  coactum.  14.  Ne  ducatis  iugum.  Quasi  recuperata  autoritate,  liberius  iam  eos  obiurgat,  quod  se  infidelibus  adiungerent  in  externa  idololatria  socios.  Nam  hortatus  est  ut  dociles  se  exhiberent,  tanquam  patri.  Nunc  ergo  pro  iure  suo  vitium  castigat,  quo  laborabant.  Diximus  autem  in  priore  epistola  quale  esset  hoc  vitium.  Nam  quum  nihil  non  licere  sibi  putarent  in  rebus  externis:  promiscue  se  impiis  superstitionibus  polluebant.  Siquidem  infidelium  convivia  frequentando,  communicabant  profanos  et  impuros  cum  illis  ritus.  Atqui  quum  gravissime  peccarent,  sibi  tamen  videbantur  innoxii.  Ergo  hio  invehitur  Paulus  in  externam  idololatriam:  et  ab  ea  Christianos  alienos  et  immunes  esse  iubet.  Incipit  tamen  a  doctrina  generali,  ut  inde  ad  speciem  descendat.  Nam  iugum  ducere  cum  infidelibus  nihil  aliud  est  quam  operibus  infructuosis  tenebrarum