39:80  illi  oculos:  et  traxit  Babylonem.  Fuit  igitur  illa  saevissima  poena  quam  exercuit  rex  babylonius  adversus  Zedechiam.  Et  videtur  hic  propheta  oblique  perstringere  quod  accidit,  Oculi  tui,  inquit,  videbunt  oculos  regis  babylonii.  Coactus  est  enim  aspicere  oculis  superbum  victorem:  deinde  oculi  eruti  sunt:  vidit  etiam  liberos  suos  iugulari.  Addit,  Et  os  eius  loquetur  ad  os  tuum,  hoc  est,  audies  in  te  proferri  atrocem  sententiam,  postquam  convictus  fueris  capitali  iudicio,  rex  ipse  quanta  poterit  contumelia  te  deiiciet.  Hoc  autem  longe  durius  est,  quam  si  Zedechias  in  aliquo  angulo  fuisset  iugulatus:  sed  tractus  fuit  in  lucem:  deinde  subiit  multos  terrores  quum  adductus  fuit  in  conspectum  hostis  sui.  Haec  igitur  commemorat  propheta,  ut  intelligat  Zedechias  se  frustra  urbem  tueri,  quia  infelix  tandem  erit  exitus.  Postea  subiicit,  4.  Tamen  audi  sermonem  Iehovae,  Zedechia  rex  Iehudah:  sic  dicit  Iehovah  de  te,  Non  morieris  gladio.  5.  In  pace  morieris,  et  combustionibus  patrum  tuorum  regum  superiorum,  qui  fuerunt  ante  te,  sic  comburent  te,  et,  Heus  domine,  plangent  super  te:  quia  sermonem  ego  loquutus  sum,  dicit  Iehovah.  Hic  adiungit  Ieremias  aliquid  solatii,  quod  scilicet  Zedechias  ipse  non  occidetur  gladio  sed  in  lecto  suo  morietur,  et  fato  suo  concedet,  ut  vulgo  dicunt.  Fuit  autem  haec  aliqua  poenae  mitigatio,  quod  Deus  protraxit  eius  vitam,  neque  passus  est  ipsum  statim  gladio  feriri.  Et  tamen  si  expendimus  omnes  circumstantias,  levius  fuit  semel  obire  mortem,  quam  prorogari  hac  lege  vitam,  ut  tabesceret  in  continuis  miseriis.  Scimus  ubi  eruti  sunt  oculi,  praecipuam  vitae  partem  amissam  esse.  Quum  igitur  inflicta  fuit  Zedechiae  haec  poena,  annon  optanda  erat  mors?  deinde  non  tantum  privatus  fuit  dignitate  regia,  sed  orbatus  tota  sobole,  et  deinde  vinctus  compedibus.  Videmus  ergo  quod  residuum  vitae  datum  illi  fuit,  adeo  non  fuisse  optabile  ut  praestiterit  vel  decies,  vel  centies  mori:  Deus  tamen  hoc  beneficii  loco  censeri  vult,  quod  non  percussus  est  gladio.  Iam  hic  moveri  quaestio  potest,  an  mors  violenta  tantopere  metuenda  sit.  Scimus  enim  profanos  quosdam  homines  eam  optasse:  narrant  etiam  de  Iulio  Caesare,  pridie  quam  confossus  fuit,  disputasse  super  coenam,  quaenam  mors  esset  melior?  censuit  tunc  so-fravaaiav  esse,  si  quis  repente  esset  occisus,  quod  postridie  contigit:  et  visus  est  fuisse  compos  voti  sui.  Dixerat  enim  felicem  esse  mortis  speciem,  subito  exstingui.  Tamen  minime  dubium  est  quin  mors  naturalis  semper  sit  tolerabilior,  si  fiat  iusta  comparatio  aliis  paribus,  ut  loquuntur,  nam  sensus  naturae  hoc  dictavit,  ut  semper  abominati  sint  homines  cr  uen-