35:80  vertu,  et  que  sur  cela  nous  bastissons  par  phantasie:  cependant  donc  que  nous  sommes  ainsi  occupez  de  folle  presomption,  nous  sommes  prests  a  tresbucher,  et  perir  a  tousiours.  Or  Dieu  ayant  pitie  de  nous,  envoye  des  remedes  qu'il  sait  estre  convenables:  il  nous  afflige,  nous  sommes  batus  de  ses  verges.  0  Si  nous  murmurons,  et  que  nous  ne  puissions  estre  patiens  quand  Dieu  nous  chastie  ainsi:  n'est-ce  pas  une^ingratitude  trop  grande,  de  ne  pouvoir  souffrir  que"  Dieu  remedie  a  nostre  perdition,  et  nous  en  retire?  Ainsi  donc  notons  bien  qu'ici  le  sainct  .  Esprit  nous  a  voulu  rendre  les  chastimens  de  Dieu  doux  et  amiables,  afin  que  nous  soyons  paisibles  pour  les  porter  quand  il  nous  seront  envoyez.  Voila  pour  un  Item.  Il  est  vrai  que  ceci  sera  trouve  fort  estrange  du  sens  charnel.  Car  Dieu  ne  pourroit-il  mieux  prouvoir  a  nostre  salut  qu'en  nous  tormentant  ainsi?  Faut-il  qu'il  nous  mene  a  la  mort  pour  nous  appeller  a  la  vie?  Voila  une  maniere  de  proceder  qui  est  incroyable,  quand  l'homme  disputera  selon  la  raison:  il  pensera  que  ce  n'est  que  folie,  que  Dieu  nous  tue  en  nous  pardonnant.  Car  que  sontce  que  les  afflictions?  Signes  de  son  ire:  comme  nous  savons  que  toutes  maladies  sont  messages  de  mort:  nous  savons  que  toutes  les  tristesses  que  nous  concevons  sont  pour  nous  abismer.  Or  nostre  Seigneur  nous  amene  a  tristesses,  a  maladies,  a.  tourmens,  il  nous  tient  la  comme  en  torture,  que  nous  n'en  pouvons  plus,  que  nous  languissons  en  sorte  que  nostre  vie  approche  du  sepulchre:  comme  il  en  est  ici  parle.  Oar  il  n'est  point  question  de  ces  petites  afflictions  ausquelles  nous  sommes  accoustuinez,  mais  que  Dieu  nous  amene  iusques  a  une  extremite  si  grande,  qu'il  n'y  a  plus  esperance  qui  soit  en  nous.  Et  comment  cela?  Faut-il  que  Dieu  nous  iette  iusques  au  plus  profond  de  la  mort,  afin  de  nous  en  retirer?  Or  il  en  besongne  ainsi,  et  ne  faut  point  que  nous  plaidions  contre  luy:  car  nous  perdrons  tousiours  nostre  cause.  Et  de  fait  voila  pourquoi  l'Escriture  sainte  lui  attribue  cest  office  de  mortifier  devant  qu'il  vivifie,  et  de  mener  au  sepulchre  devant  qu'il  en  retire.  Cognoissons  donc  que  Dieu  veut  ici  exercer  nostre  obeissance,  quand  il  nous  examine  iusques  a  l'extremite,  et  que  nous  n'en  pouvons  plus,  non  pas  mesmes  ravoir  nostre  halaine,  qu'il  s'emble  que  nous  soyons  suffocquez  du  tout.  Quand  donc  nostre  Seigneur  nous  amene  du  tout  iusques  la,  c'est  afin  de  savoir  si  nous  sommes  du  tout  siens,  et  si  nous  pourrons  souffrir  d'estre  gouvernez  par  sa  main.  Quoy  qu'il  en  soit,  quand  nous  serons  tentez  en  nos  troubles  et  fascheries,  que  ceste  sentence  nous  viene  au  devant  pour  nous  resiouir,  Voila  ii  est  dit,  que  Dieu  menant  les  hommes  au  sepulchre,  les  en  veut  retirer:  qu'en  minant  leur  chair,  il  les  veut  re-