27:80  ont  cuide  que  ce  n'estoit  point  assez  d'avoir  observe  ce  que  Dieu  commandoit,  mais  qu'il  seroit  bon  aussi  qu'un  chacun  y  meslast  ie  ne  say  quoy  de  sa  phantasie.  Or  maintenant  Dieu,  afin  de  tenir  son  peuple  en  bride  courte,  dit:  Vous  avez  en  ma  Loy  Droictures,  Ordonnances,  Statuts  :  brief:  quand  vous  aurez  bien  examine  ceste  reigle  que  ie  vous  donne,  vous  trouverez  qu'elle  est  parfaite,  qu'il  n'y  a  que  redire:  ne  faites  point  donc  des  chevaux  eschappez:  contentez-vous  de  m'avoir  servi  simplement,  selon  que  ie  le  veux,  et  que  vous  n'y  adioustiez  rien  de  vostre  cerveau.  Voila  (di-ie)  comme  Moyse  tant  en  ce  passage,  comme  en  d'autres  infinis  (car  on  en  trouvera  pour  le  moins  deux  cens  semblables)  tasche  de  magnifier  la  Loy  de  Dieu,  afin  qu'on  ne  la  prenne  point  comme  si  elle  n'estoit  pas  authentique,  et  qu'elle  ne  nous  en  enseignast  qu'a  demi:  mais  qu'on  sache  qu'il  se  faut  tenir  du  tout  a  icelle,  et  qu'il  faut  que  les  hommes  s'y  assuiettissent  en  telle  sorte  qu'ils  renoncent  a  leurs  sens,  qu'ils  ne  presument  point  d'estre  sages  selon  qu'ils  l'auront  cuide:  mais  qu'ils  respondent  seulement,  Dieu  soit  obei,  comme  aux  oraisons  qu'il  a  commande  au  peuple  de  faire  avec  ceste  protestation  solennelle:  Amen,  qu'il  n'y  ait  point  de  replique  a  ce  que  Dieu  aura  prononce  de  sa  bouche.  Et  voila  mesmes  pourquoy  ce  mot  de  Garde  est  ici  exprime.  Car  les  hommes  auront  beaucoup  d'observations,  et  leur  semble  qu'ils  auront  bien  garde  la  Loy  en  une  facon  et  en  l'autre.  Or  nostre  Seigneur  dit  que  nous  aurons  assez  de  garde,  et  d'observation  en  suyvant  sa  Loy,  et  qu'il  n'y  faut  rien  adiouster.  Au  reste,  afin  que  le  peuple  soit  tant  plus  esmeu,  ici  Moyse  confermant  le  propos  que  nous  avons  veu  n'agueres,  dit:  Pensez  donc  a  vous:  car  ce  riest  point  a  vos  enfans,  qui  n'ont  point  veu,  ni  cogneu:  mais  vous  estes  tesmoins  des  grands  miracles,  des  vertus,  des  signes  que  Dieu  a  monstrez  quand  il  vous  a  retires  du  pays  d!Egypte,  et  sur  tout  de  ce  passage  de  la  mer  rouge,  la  ou  U  a  besongne  d'une  vertu  admirable.  Car  qu'est-ce  que  la  mer  se  soit  retiree  pour  vous  faire  passage?  Et  puis  qu'elle  ait  englouti  tous  vos  ennemis  qui  vous  persecutoyent  avec  telle  puissance,  que  vous  pensiez  bien  que  c'estoit  fait  de  vous?  Vous  avez  veu  ceci  a  l'oeil  (dit-il):  que  sera-ce  donc  quand  vous  oublierez  telles  merveilles  de  Dieu,  qu'elles  s'esvanouiront?  pourra-on  attribuer  cela  a  quelque  ignorance?  Nenni:  mais  a  une  ingratitude,  et  a  une  pure  malice,  que  vous  aurez  voulu  mettre  sous  le  pied  ce  que  Dieu  vous  avoit  monstre.  Or  quand  il  dit  :  Ce  n'est  point  a  vos  enfans  qui  n'ont  point  veu  ne  cogneu,  il  dit,  qu'il  ne  parle  point  comme  on  en  pourra  parler  ci  apres.  Il  est  vray  qu'auiourd'huy  quand  nous  lisons  l'histoire  de  ceste  redemption  qui  fut  faite  alors,  nous  en  devons  estre  esmeus:  car  c'est  un  tesmoignage  perpetuel