26:80  feintise  :  mais  cependant  nous  ne  laisserons  point  d'estre  enveloppez  en  des  entreprises  vollages,  et  nos  esprits  s'esvanouiront.  Si  Moyse  tendant  d'obeir  a  Dieu  a  este  si  mal  avise,  et  s'est  trouve  confus  en  sa  requeste:  que  sera-ce  de  nous?  Car  nous  avons  beaucoup  de  grosses  nuees  et  espesses  qui  nous  empeschent  de  voir  clair.  Et  ainsi,  que  nous  aiguisions  nos  sens,  afin  de  bien  regarder  ce  qui  nous  est  licite  de  demander  selon  Dieu,  et  ce  qui  luy  est  agreable,  selon  qu'il  nous  l'aura  declare.  Voila  donc  ce  que  nous  avons  a  retenir.  Mais  quelquefois  s'il  nous  eschappe  de  souhaitter  en  ferveur  ce  que  nous  ne  savons  pas  si  nous  devons  obtenir  ou  non  :  que  puis  apres  ceste  correction  soit  adioustee:  Mon  Dieu,  ta  volonte  soit  faite.  Exemple:  Voila  un  homme  qui  aura  son  enfant  malade,  ou  sa  femme,  ou  il  se  trouvera  en  quelque  autre  perplexite  :  helas  mon  Dieu,  dira-il  :  il  pourra  ietter  quelque  affection  vehemente:  he  mon  Dieu,  n'auras-tu  point  pitie  de  moy?  et  faut-il  que  ie  soye  ici  afflige  iusques  au  bout?  Et  bien,  a-il  fait  ceste  requeste?  il  faut  cognoistre  qu'il  y  ha  du  vice.  Et  ne  nous  excusons  point  pour  dire:  Et  de  moy,  iamais  ie  n'ay  entendu  de  me  rebecquer  a  l'encontre  de  Dieu,  ne  de  sa  volonte:  mais  apres  que  nous  aurons  cogneu  le  vice,  que  nous  venions  adiouster  ceste  correction:  Helas  mon  Dieu,  il  est  vray  que  mon  desir  est  tel,  et  tu  cognois  a  quelle  fin  c'est:  cependant  si  est-ce  qu'il  faut  que  ie  te  rende  le  principal  service  que  tu  preferes  a  tous  autres,  c'est  l'obeissance:  que  ie  soye  ici  du  tout  humilie  sous  ta  main.  Ainsi,  Seigneur,  dispose  de  moy  et  de  tout  ce  qui  est  mien,  a  ta  volonte:  et  qu'il  me  suffise,  cognoissant  qu'il  n'y  ha  rien  meilleur  que  d'estre  conduit  par  ta  main.  Voila  donc  quand  nous  avons  a  esplucher  quelques  requestes,  que  nous  doutons  si  elles  sont  agreables  a  Dieu:  qu'il  nous  faut  rentrer  en  ceste  consideration,  que  Dieu  doit  dominer  par  dessus  nous,  afin  que  nous  luy  rendions  l'honneur  qu'il  merite,  et  que  toutes  nos  affections  soyent  tenues  en  bride,  tellement  que  Dieu  soit  le  maistre.  Voila  la  facon  de  bien  prier,  si  nous  voulons  estre  exaucez.  Mais  cependant  il  nous  faut  aussi  observer  ce  qui  est  ici  contenu.  Moyse  pour  obtenir  sa  requeste,  dit:  Seigneur  tu  as  commence  de  monstrer  a  ton  serviteur  la  hautesse  de  ta  main  forte.  Quand  Moyse  parle  ainsi,  il  proteste  qu'il  ne  s'avance  point  a  prier  pour  les  services  qu'il  ait  faits  a  Dieu,  qu'il  n'allegue  rien  de  luy.  Pourquoy?  Il  proteste  que  Dieu  luy  a  desia  fait  grace:  et  ainsi  il  luy  demande  qu'il  continue.  Et  c'est  encores  un  article  que  nous  devons  bien  noter,  quand  nous  venons  a  Dieu,  que  la  meilleure  raison  que  nous  luy  puissions  mettre  en  avant,  pour  impetrer  nos  demandes,  c'est  de  dire  :  Helas  Seigneur!  nous  sommes  desia  obligez  a  toy