21:80  se  trouvant  en  ceste  ville  fut  appelle  en  la  compagnie  des  Ministres,  ou  estoyent  aussi  aucuns  des  Seigneurs  du  Conseil,  Anciens  du  Consistoire:  et  c'estoit  afin  qu'on  conferast  avec  luy,  et  pour  essayer  de  le  destourner  de  ses  erreurs.  La  entra  ledit  Iurisconsulto,  accompagne  d'aucuns  Italiens,  pource  (comme  ie  croy)  qu'il  avoit  autres  fois  demeure  en  ce  pays-la:  et  en  entrant  demanda  en  Latin:  Ou  est  Calvin?  tendant  la  main  comme  pour  la  luy  presenter.  Mais  Calvin  ayant  respondu  :  Me  voici,  ne  lui  voulut  toucher  en  main  disant:  Ce  n'est  pas  raison1)  que  ie  vous  baille  la  main  iusqu'a  ce  que  nous  soyons  d'accord  en  la  doctrine  :  il  ne  faut  point  commencer  par  ceremonies.  Sur  quoy  sans  autre  chose  ledit  Iurisconsulte  s'en  alla,  disant:  Adieu  Messieurs.  Apres  il  fut  appelle  en  la  maison  de  la  ville  devant  Messieurs  au  Conseil,  pour  respondre  pourquoy  il  n'avoit  voulu  conferer  de  la  doctrine  en  l'assemblee  des  Ministres.  La  il  fit  de  grandes  plaintes,  de  ce  qu'estant  alle  au  logis  de  Calvin,  iceluy  n'avoit  voulu  parler  a  luy,  et  adioustoit  avec  bravade  :  I'ay  bien  parle  a  des  Princes,  des  Rois  et  des  Empereurs.  A  quoy  Calvin  respondit  :  Monsieur  de  Farges  se  vante  d'avoir  parle  a  des  Princes  et  des  Rois,  et  que  toutesfois  ie  n'ay  voulu  parler  a  luy:  Or  quant  a  moy,  ie  ne  me  vanteray  point  d'avoir  parle  a  de  grans  seigneurs:  seulement  ie  diray  que  ie  parle  chacun  iour  a  tous  ceux  qui  ont  affaire  a  moy,  iusques  aux  plus  petis  et  povres,  mais  de  Monsieur  [e  4]  de  Farges,  pource  que  i'avoye  bon  tesmoignage  de  sa  main,  que  c'est  un  homme  soustenant  des  erreurs  contre  des  principaux  poincts  de  nostre  foy,  ie  n'ay  point  voulu  entrer  en  propos  avec  luy  sans  tesmoins:  car  c'eust  este  temps  perdu,  je  say  la  coustume  de  telles  gens.  Mais  quant  a  luy,  il  a  refuse  de  conferer  avec  moy  en  bonne  compagnie.  Neantmoins  lors  Calvin  refuta  ses  erreurs,  et  quant  a  luy,  il  deslogea  un  peu  apres.  Depuis,  pour  mesme  cause,  ledit  de  Farges  fut  chasse  de  l'universite  de  Tubingue  par  le  Tresillustre  Duc  de  Wirtemberg:  et  pour  avoir  continue  en  ses  blasphemes,  chastie  par  prison  et  receu  a  se  desdire  par  iugement  des  seigneurs  de  Berne,  es  terres  desquels  il  a  temporise2)  jusqu'au  mois  de  Septembre  l'an  1564,  qu'il  est  mort  de  peste,  estant  tousiours  semblable  a  soy-mesme.  L'an  1556,  au  mois  de  May  Calvin  eut  une  fievre  tierce,  de  laquelle  il  n'apperceut  pas  bien  asseurement  le  premier  accez,  mais  seulement  s'en  doutoit:  et  pourtant,  combien  qu'on  voulust  pour  le  soulager  pourvoir  d'un  autre  a  faire  son  sermon,  1)  II  n'est  pas  raisonnable  F,  2)  demeure  F.