19:80  Fidelibus  Christi  servis  pastoribus  et  ministris  ecclesiae  Genevensis.  Genevae.  Etsi  quod  hoc  tempore  ad  vos  scriberemus  singulare  nihil  erat,  ornatissimi  viri,  occasionem  tamen  nacti  eam  praetermittere  noluimus.  Intellexisse  vos  iam  arbitramur,  locum  nobis  in  urbe  habendis  concionibus  designatum  et  concessum,  qui  parietibus  undique  cinctus  tecto  suo  propediem  vestietur.  Iter  hac  fecerunt  Dillerus  et  Boquinus2)  a  Palatino,  Iacobus  Andreae  cum  duobus  aliis  a  Wirtembergico  missi,  quum  hac  de  re  Navarrae  rex,  ut  intelleximus,  per  virum  nobilem  eos  sollicitasset.  Superioribus  literis  consilium  vestrum  expetiveramus  super  baptismo  administrato  ab  homine  privato.  Non  dubitamus  baptismum  huiusmodi  pro  nihilo  habendum  esse:  sed  circumstantiam  temporum  ponderamus.  Veremur  enim  ne,  si  aut  ab  obstetrice  aut  privato  quovis  homine  baptizatum  infantem  ad  legitimam  administrationem  revocemus,  multorum  hoc  nostro  facto  vulneremus  conscientias,  qui  quum  non  aliter  baptizati  fuerint  in  dubium  vocabunt  suum  baptismum.  Etenim  in  papatu,  etiamsi  infantes  hoc  modo  baptizati  ad  baptismum  deferantur,  non  tamen  rursus  eos  baptizat  sacrificulus,  sed  tantum  sordibus  suis  conspurcat.  Iudicium  vestrum  exspectamus.  Magistratus  pars  altera  ecclesiae  nostrae  iuncta  est,  ac  propediem  sequuturos  plerosque  ex  reliquis  speramus.  Si  quid  de  eius  reformatione  ac  christiana  constitutione  ad  nos  perscribere  non  gravaremini,  gratissimum  nobis  id  esset.  Neque  enim  urgere  audemus  quod  variis  occupationibus  districtos  vos  esse  non  ignoremus,  Dominus  vos  spiritu  suo  protegat  ecclesiaeque  suae  diu  servet  incolumes.  Metis  26.  Octob.  1561.  Vobis  addictissimi  Petrus  Colonius  Ioannes  Taffinus.  3589*  VENDROGOVIUS  ')  CALVINO.  Gratitudinem  et  observantiam  erga  magistrum  effuse  testatur.  2)  N.  3579.  3589.  1)  Nicolaus  Wcndrogowski  Czechowicii  collega  in  ecclesia  Wilnensi,  fervidus  et  firmus  Calvinismi  fuit  vexillifer