13:80  extrahantur,  sub  quarum  umbra  somnum  suum  dormiunt.  Quare  novum  non  est  ubi  ab  illa  parte  contradicitur  quum  de  redimendis  ad  Dei  cultum  et  obedientiam  hominibus  agitur.  Hoc  tamen  sacere  non  debet,  ut  negligentes  aut  timidi  hic  deprehendamus  Tandem  enim  ubi  tumultuati  fuerint  satis  ac  suum  furorem  despumaverint,  momento  confundi  et  cum  suo  tumore  concidere  necesse  est.  Sane  quod  ad  Deum  attinet,  omnes  illi  hominum  fremitus  et  bullae  ipsi  tantum  ludus  erunt,  ut  est  in  2.  Psalmo,  adeoque  quasi  conniventibus  oculis  ad  illorum  aestus  ipse  conticescet,  quasi  res  ea  ad  illum  non  pertineret.  Atqui  tandem  ipsius  potentia  comprimentur.  Nos  vero  eadem  illa  armati  invicto  praesidio  sustinebimur,  quidquid  adversum  nos  moliatur  Satan,  tandemque  re  ipsa  percipiemus,  Evangelium  ut  nuncium  pacis  affert  et  reconciliationem  cum  Deo,  ita  etiam  ad  pacem  inter  homines  constituendam  pertinere,  ubi  apud  Isaiam  testatur  Dominus:  Ubi  regnum  Christi  per  ipsius  doctrinam  erectum  fuerit,  futurum  ut  et  gladii  in  vomeres  et  lanceae  in  falces  transformentur.  Interea  vero  quamvis  ex  hominum  improbitate  et  pervicacia  prodeant,  quae  adversus  Evangelium  insurgunt  seditiones  et  turbae,  in  nos  ipsos  tamen  descendere  oportet,  ac  statuere,  Dominum  ita  nos  plectere  propter  nostra  ipsorum  peccata,  etsi  utatur  illis  instrumentis  quae  vere  Satanae  mancipia  esse  constet.  Vetus  est  illa  querimonia,  qua  in  Evangelium  derivata  est  omnium  malorum  causa,  quae  humano  generi  pridem  incumbunt.  Constat  siquidem  ex  historia,  iam  ab  ipso  initio  quo  Christianismus  per  orbem  spargi  coeperat,  vix  ullum  fuisse  angulum  qui  non  extremis  malis  premeretur.  Bellorum  motus  exstabant  continui  cuiusdam  incendii  instar,  quo  universa  conflagraret.  Diluvies  hinc  illinc  pestes  et  fames:  extrema  et  rerum  omnium  et  ordinum  inversio,  quasi  orbis  terrae  in  se  ipsum  commissus  plane  dissiliret  et  confringeretur.  Idem  prorsus  accidit  hoc  saeculo,  ex  quo  Evangelium  coepit  emergere:  miserabilis  quaedam  exstitit  rerum  omnium  facies,  ut  passim  volitet  illa  querimonia,  nos  scilicet  infelicissimo  saeculo  natos  esse,  ac  perpauci  non  sub  tanta  mole  fatiscant.  Atqui  dum  vulnera  illa  persentimus,  et  ad  manum  ferientis  attendere  oportuit  et  ad  causam:  quaenam  illa  porro  sit  neque  adeo  obscurum  est,  neque  perceptu  difficile.  Constat  verbum  Dei  per  quod  ad  viam  salutis  perducimur  incomparabilem  thesaurum  esse  :  Excutiamus  vero  nos  ipsos,  quam  reverenter  nempe,  uti  ab  ipsius  autore  oblatum  nobis  est,  ita  etiam  a  nobis  admissum  sit.  Quando  igitur  ita  vilescit  apud  nos  quod  est  apud  illum  tanti  momenti,  quis  non  iustissimum  agnoscat,  qui  nostram  ingratitudinem  ita  vicissim  ulciscatur?  Audimus  et  illud  Christi  apud  Lucam:  servum  qui  teneat  voluntatem  Domini,  neque  illam  opere  praestat,